سيريانىڭ ۋاقىتشا پرەزيدەنتى زورلىق- زومبىلىقتى توقتاتۋعا شاقىردى
استانا. KAZINFORM - سيريانىڭ ۋاقىتشا پرەزيدەنتى احماد اش- شاراا بۇرىنعى ۇكىمەتكە قاتىسى بار قارۋلى توپتاردى قارۋ-جاراقتارىن تاپسىرۋعا، ال جاڭا ۇكىمەتكە ادالداردى بەيبىت تۇرعىندارعا شابۋىل جانە تۇتقىندارعا قيانات جاساماۋعا شاقىردى، دەپ حابارلايدى Kazinform Euronews ارناسىنا سىلتەمە جاساپ.
- ەتيكامىزدى بۇزعان كەزدە ءبىز جاۋىمىزبەن بىردەي دەڭگەيگە تۇسەمىز. قۇلاعان رەجيمنىڭ قالدىقتارى ءوزىمىزدىڭ زاڭ بۇزۋشىلىقتارىمىزدىڭ ارتىنا جاسىرىنۋعا سەبەپ ىزدەيدى، - دەدى ول.
جاڭا (حايات تاحرير ءا ش- شام) جاقتاستار مەن قۇلاعان ۇكىمەت اراسىنداعى قاقتىعىستار جەلتوقساننىڭ باسىندا باشار اساد بيلىكتەن كەتكەننەن بەرگى زورلىق-زومبىلىقتىڭ ەڭ اۋىر كورىنىسى بولدى.
سيرياداعى ادام قۇقىقتارىن باقىلاۋ ورتالىعىنىڭ مالىمەتىنشە، ۇرىس باستالعاننان بەرى 200 دەن استام ادام قازا تاپتى. ونىڭ ىشىندە اسادقا ادال 120 جاۋىنگەر جانە جاڭا ۇكىمەت كۇشتەرىنىڭ 93 جاۋىنگەرى بار.
ەسكە سالا كەتەيىك، بۇعان دەيىن سيريانىڭ بىرنەشە قالاسىندا جاعداي شيەلەنىسىپ، ءتۇرلى توپ وكىلدەرى اراسىندا قاقتىعىستار ءجۇرىپ جاتقانىن جازعان ەدىك.
