سيريالىق كوتەرىلىسشىلەر الەپپونىڭ ورتالىق اۋداندارىنا جەتتى
استانا. KAZINFORM - ءۇش كۇنگە سوزىلعان قاقتىعىستار كەزىندە قارۋلى وپپوزيتسيا توپتارى الەپپو جانە يدليب پروۆينتسيالارىندا كەمىندە 70 ەلدى مەكەندى باسىپ الدى، دەپ حابارلايدى Anadolu Ajansi.
باشار اساد رەجيمىنىڭ كۇشتەرىمەن قاقتىعىسقان رەجيمگە قارسى قارۋلى توپتار الەپپو قالاسىنىڭ ورتالىق اۋداندارىنا جەتتى.
سيريادا اساد رەجيمىنە قارسى قارۋلى توپتار الەپپو اۋماعىنا تۇسكى ۋاقىتتا كىرىپ، كەشكە قاراي قالانىڭ ىشكى اۋداندارىنا جىلجىدى.
قارۋلى توپتار قالا ورتالىعىنداعى ساداللا ءال- دجابيري الاڭىنا جەتتى.
27 -قاراشادا الەپپونىڭ باتىسىندا رەجيم كۇشتەرى مەن ۇكىمەتكە قارسى قارۋلى توپتار اراسىندا قاقتىعىس بولدى.
3 كۇنگە سوزىلعان قاقتىعىستار كەزىندە قارۋلى وپپوزيتسيا توپتارى الەپپو جانە يدليب پروۆينتسيالارىندا كەمىندە 70 ەلدى مەكەن مەن قالانى باسىپ الدى.
ەسكە سالا كەتسەك، كوتەرىلىسشىلەر الەپپو پروۆينتسياسىنداعى سيريا ارمياسىنىڭ باقىلاۋىنداعى ايماقتارعا كەڭ اۋقىمدى شابۋىل جاساپ، باسىپ العان بولاتىن.
وسىعان دەيىن سيريانىڭ الەپپو پروۆينتسياسىنداعى ەل ارمياسى باقىلاۋىنداعى ايماقتارعا شابۋىل جاسالىپ، 130 ادام قازا تاپقانى تۋرالى جازدىق.
