21:55, 19 - جەلتوقسان 2024 | GMT +5
سيريادا قالعان قازاقستاندىقتاردىڭ سانى قانشا؟
استانا. KAZINFORM — سىرتقى ىستەر ءمينيسترىنىڭ ورىنباسارى الىبەك باقايەۆ سيريا اۋماعىندا قانشا قازاقستاندىقتىڭ قالعانىن ايتتى.
سەناتتا وتكەن بريفينگتە ول ازاماتتارمەن تۇراقتى بايلانىس ۇستاپ وتىرعاندارىن ءمالىم ەتتى.
«30 دان استام قازاقستاندىق. قاتەلەسپەسەم، 33 ادام. ارتىق ەمەس. ءبىز بۇل ازاماتتارمەن تۇراقتى بايلانىستا بولۋدامىز»، - دەپ سەندىردى باقايەۆ.
ءمينيستردىڭ ورىنباسارى تاياۋ شىعىستان ەۆاكۋاتسيالانعان قازاقستاندىقتار تۋرالى دا ايتتى.
«ءبىز گازا سەكتورىنان 129 ادامدى قايتاردىق، ال ليۆاننان ەۆاكۋاتسيا كەزىندە 69 ادامدى شىعاردىق»، - دەپ اتاپ ءوتتى ۆيتسە-مينيستر.
اشىق دەرەككوزدەردەگى سوڭعى مالىمەتتەرگە سايكەس، سيريادان قازاقستانعا قايتارىلعان ازاماتتاردىڭ سانى 600 دەن استامدى قۇرايدى.
