سيريادا لاڭكەستىك توپ شابۋىل جاساپ، 100 دەن اسا ادام كوز جۇمدى
استانا. KAZINFORM - سيريانىڭ الەپپو پروۆينتسياسىنداعى ەل ارمياسى باقىلاۋىنداعى ايماقتارعا شابۋىل جاسالدى. قاقتىعىس سالدارىنان 130 ادام قازا تاپتى. بۇل تۋرالى Kazinform اگەنتتىگىنىڭ ءتىلشىسى حابارلادى.
سيريا قارۋلى كۇشتەرى شابۋىلدى سيريانىڭ سولتۇستىك- باتىسىنىڭ كوپ بولىگىن باقىلايتىن «حايات تاحرير اش- شام» ۇيىمى جاساعانىن مالىمدەدى.
«ءبىزدىڭ كۇشتەر جاعدايدىڭ بۇرىنعى قالپىنا كەلتىرۋ ءۇشىن كۇرەس جۇرگىزۋدە»، - دەلىنگەن ارميا مالىمدەمەسىندە.
سيرياداعى ادام قۇقىقتارىن باقىلاۋ ورتالىعىنىڭ مالىمەتىنشە، قاقتىعىستار كەزىندە قاقتى، ىسقا قاتىسقان ەكى تاراپتان 100 دەن اسا ادام قازا تاپقان.
سيريالىق SANA اگەنتتىگىنىڭ حابارلاۋىنشا، «سيريا قارۋلى كۇشتەرى ءارتۇرلى قارۋ تۇرلەرىن قولدانىپ، لاڭكەستىك شابۋىلعا تويتارىس بەرگەن.
ايتا كەتسەك، «حايات تاحرير اش- شام» (ح ت ش) توبى «ءال- قايدانىڭ» (قازاقستاندا تىيىم سالىنعان - اۆت. ) بۇرىنعى سيريالىق ءبولىمى جانە سيريانىڭ سولتۇستىك- باتىسىنىڭ ءبىر بولىگىن باقىلايدى. بۇرىنعى جىلدارى بۇل توپ «دجابحات ان- نۋسرا» دەپ اتالدى، ءبىراق كەيىن «ءال- قايدادان» الشاقتاۋ ءۇشىن اتىن وزگەرتتى.
