سيريادا ۋاقىتشا ۇكىمەت مينيسترلىكتەرىنىڭ باسشىلارى تاعايىندالدى

استانا. KAZINFORM - اكىمشىلىك باسشىسى بولىپ احمەد اش-شارا تاعايىندالدى، ال پرەمەر-مينيستر قىزمەتىن مۇحاممەد ءال-باشير اتقارادى، دەپ حابارلايدى Kazinform انادولى اقپارات اگەنتتىگىنە سىلتەمە جاساپ.

اگەنتتىكتىڭ حابارلاۋىنشا، جاڭا اكىمشىلىكتە جاۋاپكەرشىلىكتەردى ءبولۋ نەگىزىنەن اياقتالدى، ءبىراق كۇن تالابىنا ساي جاڭا مينيسترلىكتەر قۇرىلىپ، جاڭا تاعايىنداۋلار جاسالۋى مۇمكىن.

جاۋاپكەرشىلىكتەر كەلەسىدەي ءبولىندى:

اكىمشىلىك باسشىسى احمەد اش-شارا، پرەمەر-مينيستر مۇحاممەد ءال-باشير، سىرتقى ىستەر ءمينيسترى ەسااد حاسان شەيباني، ىشكى ىستەر ءمينيسترى مۇحاممەد ابدۋرراحمان، ادىلەت ءمينيسترى شادي ءال-ۆەيسي، اقپارات ءمينيسترى مۇحاممەد ياكۋب ءال-ومار، دەنساۋلىق ساقتاۋ ءمينيسترى ماحير شارا، اۋىل شارۋاشىلىعى جانە يرريگاتسيا ءمينيسترى مۇحاممەد تاحا ءال-احماد، ءبىلىم جانە كاسىبي دايارلاۋ ءمينيسترى نەزير مۇحاممەد ءال-قاديري، جەرگىلىكتى ءوزىن-ءوزى باسقارۋ جانە قىزمەت كورسەتۋ ءمينيسترى مۇحاممەد ابدۋرراحمان مۋسليم، قايىرىمدىلىق ىستەرى ءمينيسترى حۋسام حادج حۋسەين، جوعارى ءبىلىم ءمينيسترى ابدۋلمۋنيم ابدۋلحافيز، ەكونوميكا جانە ساۋدا ءمينيسترى باسيل ابدۋلازيز جانە ايەلدەر ىستەرى باسقارماسىنىڭ باسشىسى ايشا ءال-ديبس.

بۇعان دەيىن سيريا تاياۋ ۋاقىتتا ەلدىڭ قورعانىس مينيسترلىگى مەن ارمياسىنىڭ جاڭا قۇرىلىمىن جاريالاماق ەكەنىن جازعان بولاتىنبىز.

اۆتور

زارينا تۋعانبايەۆا