سىرتقى ىستەر مينيسترلىگى ساۋد ارابياسىنداعى قازاقستاندىقتارعا قاتىستى مالىمدەمە جاسادى
استانا. KAZINFORM – ق ر س ءى م ساۋد ارابياسىنىڭ ازاماتتىق ينفراقۇرىلىمىنا جاسالعان شابۋىلدارعا بايلانىستى اتالعان ەلدەگى قازاقستان ازاماتتارىن قاۋىپسىزدىك شارالارىن ساقتاۋعا شاقىردى.
بۇل جونىندە مينيسترلىكتىڭ رەسمي وكىلى جانبولات ۇسەنوۆ Telegram-ارناسىندا جاريالادى.
اتاپ ايتقاندا، سىرتقى ىستەر مينيسترلىگى:
ساقتىق شارالارىن قاتاڭ ساقتاپ، جەرگىلىكتى بيلىك ورگاندارىنىڭ نۇسقاۋلارىن ورىنداۋدى؛
ناقتى قاجەتتىلىك بولماسا، اۋەجايلارعا بارماۋدى، رەيستەردىڭ مارتەبەسىن اۋەكومپانيالاردان الدىن الا ناقتىلاۋدى؛
ادامدار شوعىرلانعان ورىندار مەن قاۋىپتىلىگى جوعارى نىسانداردان اۋلاق بولۋدى؛
شۇعىل ەمەس ساپارلاردى مۇمكىندىگىنشە كەيىنگە قالدىرۋدى ۇسىنادى.
سونىمەن قاتار، توتەنشە جاعدايعا تاپ بولعان جاندار ق ر-نىڭ ەر-ريادتاعى ەلشىلىگىنە نەمەسە ق ر-نىڭ جيدداداعى باس كونسۋلدىعىنا حابارلاسۋى قاجەت.
جەدەل بايلانىسقا ارنالعان تەلەفون نومىرلەرى:
ەر-رياد قالاسىنداعى كونسۋل: 966556630177.
جيددا قالاسىنداعى كونسۋل: 966532758080.
ايتا كەتەيىك، بۇعان دەيىن قازاقستان حۋسيتتەردىڭ ساۋد ارابياسىنداعى شابۋىلدارىن قاتاڭ ايىپتايتىنىن جازعانبىز.
