سىرتقى ىستەر مينيسترلىگىنە جاڭا مىندەتتەر جۇكتەلەدى
استانا. KAZINFORM - «قازاقستان رەسپۋبليكاسى سىرتقى ىستەر مينيسترلىگىنىڭ ماسەلەلەرى» تۋرالى ۇكىمەت قاۋلىسىنا وزگەرىستەر مەن تولىقتىرۋلار ەنگىزىلەدى. وسىلايشا مينيسترلىككە جاڭا مىندەتتەر جۇكتەلەدى.
اشىق نورماتيۆتىك- قۇقىقتىق اكتىلەر پورتالىندا جاريالانعان ۇكىمەت قاۋلىسىنىڭ جوباسىندا سىرتقى ىستەر مينيسترلىگىنە ادام ساۋداسىنا قارسى ءىس-قيمىل جونىندەگى حالىقارالىق ىنتىماقتاستىق سالاسىندا قازاقستان رەسپۋبليكاسىنىڭ سىرتقى ساياسي باعىتىن ىسكە اسىرۋدى قامتاماسىز ەتۋ جۇكتەلەتىنى كورسەتىلگەن.
سونىمەن قاتار ۆەدومستۆوعا شەت ەلدە ادام ساۋداسىنىڭ قۇرباندارى بولعان قازاقستان رەسپۋبليكاسى ازاماتتارىنىڭ قۇقىقتارى مەن مۇددەلەرىن قورعاۋدى قامتاماسىز ەتۋ، شەتەلدە ادام ساۋداسىنىڭ قۇربانى بولعان قازاقستان ازاماتتارىن، ونىڭ ىشىندە كامەلەتكە تولماعانداردى، قازاقستان رەسپۋبليكاسى تانىعان بوسقىنداردى جانە قازاقستاندا تۇراقتى تۇراتىن ازاماتتىعى جوق ادامداردى ءتيىستى قۇجاتتارمەن قامتاماسىز ەتۋ جانە قازاقستان رەسپۋبليكاسىنا قايتارۋ جونىندەگى شارالاردى قابىلداۋ مىندەتتەرى قوسا بەرىلمەك.
قاۋلى جوباسى 9 -قىركۇيەككە دەيىن قوعامدىق تالقىلاۋعا شىعارىلىپ وتىر.
