ەسىرتكىگە تاۋەلدىلەردىڭ 44 پايىزى قىزىعۋشىلىقتان قولدانعان

الماتى. KAZINFORM - الماتىدا «ناركوستوپ» جوباسىنىڭ قورىتىندىسى شىقتى.

есірткі
Фото: БҚО полиция департаменті

بىلتىر جوبا ەرىكتىلەرى عيماراتتاردىڭ قاسبەتتەرىنە ەسىرتكى جارناماسى بار 127 گراففيتيدى بويادى. بۇل جۇمىسقا 1000 نان استام ادام قاتىستى. بۇل قالانى ءقاۋىپتى جارنامادان تازارتۋعا مۇمكىندىك بەردى.

«ناركوستوپ» جوبا جەتەكشىسى باۋىرجان جاقىپوۆتىڭ سوزىنشە، ەرىكتىلەر ناشاقورلىق پروبلەماسىنا تاپ بولعان وتباسىلاردى قولداۋمەن دە بەلسەندى اينالىسقان. زاڭ كومەگى، ماجبۇرلەپ ەمدەۋ، قارىزداردى رەتتەۋ جانە قۇقىقتىق قورعاۋ ماسەلەلەرى دە نازاردان تىس قالمادى.

جوبا اياسىندا 5000 عا جۋىق جاستى قامتىعان اۋقىمدى زەرتتەۋ جۇرگىزىلدى. ول رەسپوندەنتتەردىڭ %19 ى قاۋىپتى ايماقتا ەكەنىن انىقتادى. ەسىرتكىنى قولدانۋدىڭ نەگىزگى فاكتورلارى - زەرىگۋ، قورشاعان ورتانىڭ اسەرى جانە قىزىعۋشىلىق.

- جالپى ستەرەوتيپتەرگە قاراماستان، قازىر تاۋەلدىلەر كوپ جاعدايدا جوعارى ءبىلىمى بار، تۇراقتى جۇمىسپەن قامتىلعان جانە ماتەريالدىق ءال- اۋقاتى تۇراقتى ادامدار. ولار تولىق وتباسىندا وسكەن، اتا- انالارى دا ءبىلىمدى كىسىلەر. زەرتتەۋلەر اياسىندا ءبىز سۇراق قويدىق: ادامداردى ەسىرتكىنى قولدانۋعا نە يتەرمەلەيدى؟ ناتيجەلەر وتە ايقىن بولدى. ەسىرتكىگە تاۋەلدىلەردىڭ %44 دان استامى قىزىعۋشىلىق پەن زەرىگۋ سەبەپ بولدى دەپ جاۋاپ بەردى، - دەدى بريفينگ بارىسىندا باۋىرجان جاقىپوۆ.

سونىمەن قاتار، سپيكەر ستيگماتيزاتسيا جانە قۇقىقتىق ولقىلىقتار تاۋەلدىلەردىڭ تولىققاندى ومىرگە ورالۋىنا جول بەرمەيتىنىن جەتكىزدى.

- كوبىنەسە ەسىرتكىگە تاۋەلدى ادامداردى ەسەپكە الۋ جۇمىسقا ورنالاسۋعا جانە الەۋمەتتىك ينتەگراتسياعا كەدەرگى بولادى. سونىمەن قاتار، پروفيلاكتيكالىق باعدارلامالاردى باقىلاۋ تەتىكتەرىنىڭ بولماۋى ولاردىڭ تيىمدىلىگىن باعالاۋدى مۇمكىن ەمەس ەتەدى. «ناركوستوپ» جوباسى جۇيەلى وزگەرىستەر قاجەتتىگىن اتاپ كورسەتەدى. باسىمدىق - اتا- انالارعا ارنالعان ءبىلىم بەرۋ باعدارلامالارىن ازىرلەۋ، جاستار ءۇشىن بوس ۋاقىت ينفراقۇرىلىمىن قۇرۋ جانە وڭالتۋ جانە الدىن الۋ ماسەلەلەرىن رەتتەيتىن زاڭنامالىق بازانى جەتىلدىرۋ، - دەپ ءتۇسىندىردى جوبا جەتەكشىسى.

 

سوڭعى جاڭالىقتار