سىرداريادا سەڭ ءجۇرىپ جاتىر

قىزىلوردا. KAZINFORM - قىزىلوردادا كۇننىڭ كۇرت جىلىنۋىنا بايلانىستى سەڭ جۇرە باستادى.

ماماندار سىرداريا وزەنى مەن سۋ شارۋاشىلىعى نىساندارىنداعى جاعداي تۇراقتى، كۇندەلىكتى باقىلاۋدا ەكەنىنە سەندىرىپ وتىر.

- وزەننىڭ وڭتۇستىك جانە ورتالىق بولىكتەرى مۇزدان تولىق تازاردى. ارال جانە قازالى اۋداندارىنىڭ اۋماعىندا تولىق مۇز ۇستاسىپ تۇر. ال قارماقشى اۋدانى اۋماعىنىڭ %90 بولىگى مۇزدان تازاردى، - دەدى «قازسۋشار» ر م ك وبلىستىق فيليالى ديرەكتورىنىڭ ورىنباسارى ايدوس اسانبايەۆ.

سۋ تاسقىنى قاۋپىنىڭ الدىن الۋ ماقساتىندا وتكەن كۇز-قىس مەزگىلدەرىندە وسال قورعانىس بوگەتتەرىنىڭ 5,4 شاقىرىمى نىعايتىلدى.

- ناۋرىز ايىندا وزەن يىرىمدەرىندەگى مۇزدى قاۋىپسىز وتكىزۋ ءۇشىن دە 13,2 مىڭ باۋ قامىس، قادا سياقتى 3,1 مىڭ ينەرتتى ماتەريالدار قورى جيناقتالدى. سونىمەن قاتار 10,1 توننا ديزەل وتىنى، 2,5 توننا بەنزين جانە قۇم تولتىرۋعا ارنالعان 3,5 مىڭ قاپ دايىن. رەسپۋبليكالىق مەنشىكتەگى ستراتەگيالىق ماڭىزى بار 4 سۋ تورابى ترانزيتتىك رەجيمدە جۇمىس ىستەپ تۇر، - دەدى ايدوس اسانبايەۆ.

بۇعان دەيىن ءبىز س ق و- دا وزەندەردە مۇز جارۋ جۇمىسى جۇرگىزىلىپ جاتقانىن حابارلاعانبىز.