سۋىق تيگىزىپ الماۋدىڭ جولدارى قانداي؟

استانا. قازاقپارات - «قىستا جىلى كيىنبەي سىرتقا شىقساڭ، سۋىق تيگىزەسىڭ!» - دەگەن ءسوزدى ءجيى ەستيمىز. عالىمداردىڭ ايتۋىنشا، ادامنىڭ سۋىقتا قالۋى اۋرۋدىڭ سەبەبى بولمايدى. دەگەنمەن، سۋىق اۋا رايى تىنىس الۋ جولدارى ۆيرۋستارىن، اسىرەسە تۇماۋ مەن سالقىن ءتيۋدى، جۇقتىرۋدى جەڭىلدەتەدى.

دارىگەرلەر قىستا دا، جىل بويى دا دەنساۋلىقتى ساقتاۋدىڭ بىرنەشە نەگىزگى تاسىلدەرىن ۇسىنادى:

قولدى ءجيى جۋىڭىز. بۇل قاراپايىم، ءبىراق وتە ءتيىمدى ءادىس.
بەتىڭىزدى ءجيى ۇستاماۋعا تىرىسىڭىز. ادامدار ساعاتىنا 9-دان 23 رەتكە دەيىن بەتىن ۇستايدى ەكەن.
سۋدى جەتكىلىكتى مولشەردە ءىشىڭىز. ورتا ەسەپپەن كۇنىنە 8 ستاقان، ءبىراق بۇل ادامنىڭ سالماعى مەن ءومىر سالتىنا بايلانىستى.
دۇرىس تاماقتانىڭىز. قارا-جاسىل جاپىراقتى كوكونىستەر يممۋنيتەتتى نىعايتاتىن دارۋمەندەرگە باي. ال جۇمىرتقا، فورتيفيكاتسيالانعان ءسۇت، اقسەركەدە D دارۋمەنى مول.
قىستا دا بەلسەندى بولىڭىز. جاتتىعۋ دەنساۋلىقتى ساقتاۋعا كومەكتەسەدى.
ۇيقىڭىزدى قاندىرىڭىز
ەدەندى ءجيى جۋىپ، بولمەنى جەلدەتۋدى ەستەن شىعارماڭىز.
قىس مەزگىلىندە مۇرىن مەن تاماق قۇرعاسا، ىلعالداندىرعىش قۇرال قولدانىڭىز.
جىل سايىن تۇماۋعا جانە باسقا دا ۆيرۋستارعا قارسى ەكپە الىڭىز.
وسى قاراپايىم، ءبىراق ءتيىمدى كەڭەستەردى ۇستانا وتىرىپ، قىستى ساۋ ءارى سەرگەك وتكىزۋگە بولادى. اۋرۋدىڭ الدىن الۋ - ءار ادامنىڭ ءوز قولىندا.