سۋىق پەن اياز تۇركيانى ليمون ەكسپورتىن توقتاتۋعا ءماجبۇر ەتتى
انكارا. KAZINFORM - تۇركيانىڭ كەيبىر ايماقتارىنداعى سۋىق اۋا رايى مەن اياز ليمون ەكسپورتىنىڭ توقتاتىلۋىنا اكەلدى. ءتيىستى شەشىمدى 7-ساۋىردە تۇركيانىڭ ساۋدا مينيسترلىگى مالىمدەدى، دەپ جازادى ازەرتادج.
ۆەدومستۆو مۇنداي شەشىمدى ونىمدىلىكتىڭ تومەندەۋى اياسىندا ىشكى سۇرانىستى جابۋ جانە تسيترۋس ونىمدەرى باعاسىنىڭ الىپساتارلىق وسۋىنە جول بەرمەۋ قاجەتتىلىگىمەن ءتۇسىندىردى.
ساۋدا مينيسترلىگى ازىق-تۇلىك قاۋىپسىزدىگى ساياساتى اياسىندا تۇركيادان ليمون ەكسپورتىنىڭ ۋاقىتشا توقتاتىلاتىنىن ءتۇسىندىردى.
- جىل مەزگىلىندەگى، اسىرەسە ادانا، مەرسين جانە حاتاي سياقتى پروۆينتسيالارداعى قالىپتى اۋا رايى جاعدايلارىن ەسكەرە وتىرىپ، 8-ساۋىردەن باستاپ ليمون ەكسپورتىن توقتاتۋ تۋرالى شەشىم قابىلداندى. ساۋدا مينيسترلىگى نارىقتاعى جاعدايدى مۇقيات قاداعالايدى جانە قاجەت بولعان جاعدايدا قوسىمشا شارالار قابىلدايدى، - دەپ مالىمدەدى ۆەدومستۆو.
ايتا كەتەيىك، ا ق ش باعانى تومەندەتۋ ءۇشىن وڭتۇستىك كورەيا مەن تۇركيادان جۇمىرتقا يمپورتتاي باستاعانىن جازعان ەدىك.
