سينوپتيكتەر كۇزدە اۋا رايى قانداي بولاتىنىن ايتتى
استانا. KAZINFORM - سينوپتيكتەر قازاقستاندا كۇزگە ارنالعان اۋا رايى بولجامىن ۇسىندى. مامانداردىڭ ايتۋىنشا، ەلدىڭ كەيبىر ايماقتارىندا جاۋىن-شاشىن كوپ تۇسەدى، ءتىپتى وڭىرلەردىڭ بىرىندە اياز بولادى.
اۋا رايى قىركۇيەكتىڭ ءبىرىنشى ونكۇندىگىندە عانا جىلى جانە بۇلتتى بولادى، سودان كەيىن اتموسفەرالىق فرونتتاردىڭ ءجيى وزگەرۋى بايقالادى، سالدارىنان رەسپۋبليكانىڭ كوپ بولىگىندە اۋا رايى تۇراقسىز بولادى.
جاڭبىر، ەكپىندى جەل بولىپ، اۋا تەمپەراتۋراسى ءجيى وزگەرىپ تۇرادى، ال سولتۇستىك ايماقتاردا تۇندە 1 گراۋدۋسقا دەيىن اياز بولۋى مۇمكىن.
وڭتۇستىك ايماقتاردا جوعارى قىسىمدى ايماقتىڭ اسەرىنەن جاۋىن-شاشىن نورمادان از بولادى دەپ بولجانىپ وتىر جانە تەمپەراتۋرا فونى سالىستىرمالى تۇردە جىلى بولىپ قالادى. الايدا، ءبىر اي ىشىندە تەمپەراتۋرا بىرتىندەپ تومەندەيدى: تۇندە 15-23 گرادۋستان 3 گرادۋسقا دەيىن 10 گرادۋس، ال كۇندىز 25+35 گرادۋستان 15 گرادۋسقا دەيىن 23 تەن جوعارى.
قىركۇيەكتە اۋا تەمپەراتۋراسى رەسپۋبليكانىڭ كوپ بولىگىندە، باتىستا، ەلدىڭ شىعىسى مەن وڭتۇستىك- شىعىسىنداعى تاۋلى ايماقتاردا نورمادان 1 گرادۋسقا جوعارى بولادى دەپ كۇتىلەدى.
قىركۇيەكتە جاۋىن-شاشىن مولشەرى رەسپۋبليكانىڭ كوپ بولىگىندە نورماعا جاقىن جانە نورمادان اسادى، ەلدىڭ وڭتۇستىك ايماقتارىندا نورمادان از بولادى دەپ بولجانادى.
«قازان مەن قاراشا ايلارىندا كۇزدەن قىسقا بىرتىندەپ كوشۋ كۇتىلەدى. جالپى، قازاقستاننىڭ نەگىزگى بولىگىندەگى اۋا تەمپەراتۋراسى وتكەن جىلدارمەن سالىستىرعاندا تومەن بولادى، ال جاۋىن-شاشىن مولشەرى نورما دەڭگەيىندە جانە ەلىمىزدىڭ بارلىق وڭىرىندە كوبىرەك بولادى دەپ بولجانادى. ال رەسپۋبليكانىڭ وڭتۇستىك- باتىسى مەن ورتالىعىندا شاشىن نورمادان از بولادى»، - دەپ الدىن الا بولجام جاسادى مەتەورولوگتار.
