سينوپتيكتەر اتىراۋ تۇرعىندارىنا الداعى ءۇش كۇندە ساق بولۋدى ەسكەرتتى

Синоптиктер Атырау тұрғындарына алдағы үш күнде сақ болуды ескертті
فوتو: Kazinform

اتىراۋ. KAZINFORM - اتىراۋ وبلىسىندا الداعى ءۇش كۇندە كوكتايعاق بولادى. وسىعان بايلانىستى جەرگىلىكتى سينوپتيكتەر تۇرعىندارعا ساق بولۋعا كەڭەس بەردى.

«قازگيدرومەت» ر م ك اتىراۋ وبلىسى بويىنشا فيليالى بولجاۋ ءبولىمىنىڭ باسشىسى اينا قازعۇلوۆانىڭ ايتۋىنشا، قار ارالاس جاۋىن-شاشىننىڭ تاۋلىكتىك مولشەرى 13 م م-گە جەتكەن.

«وبلىستىڭ وڭتۇستىگى مەن شىعىسىندا قار جاۋادى. تۇمان ءتۇسىپ، كوكتايعاق بولاتىنى بولجانىپ وتىر. تۇندە ەكپىنى 18-23، كۇندىز وبلىستىڭ وڭتۇستىگى مەن شىعىسىندا 15-20 م/س جەل سوعادى. اۋا تەمپەراتۋراسى تۇندە 1-، 6- گرادۋس ارالىعىندا اياز بولسا، 

كۇندىز 3-، 2+ ارالىعىندا قۇبىلادى. 7-اقپاندا وسىنداي اۋا رايى ساقتالىپ، بوران، تۇمان، كوكتايعاق پەن جەل سوعادى. سوندىقتان تۇرعىندار الىسقا جولعا شىقپاعانى ءجون. قاۋىپسىزدىك شارالارىن ساقتاۋى قاجەت»، - دەيدى اينا قازعۇلوۆا.

ونىڭ ايتۋىنشا، 8-9-اقپاندا تۇندە جاۋىن-شاشىن، كۇندىز وبلىستىڭ سولتۇستىگى مەن شىعىسىندا قار ارالاس جاڭبىر جاۋادى. جاۋىن-شاشىننىڭ سوڭى كوكتايعاققا ۇلاسادى. سولتۇستىك-باتىستان سوققان جەل 15-20 م/س جەتەدى. اۋا تەمپەراتۋراسى تۇندە 0-5 گرادۋس اياز، كۇندىز 2+،7- گرادۋس جىلى بولادى.

ەسكە سالا كەتەلىك، بۇدان بۇرىن اتىراۋ كوشەلەرىنەن كەشەدەن بەرى 2,4 مىڭ توننا سۋ سورىلعانىن جازعان بولاتىنبىز.

 


اۆتور
جولداسبەك شوپەعۇل

سوڭعى جاڭالىقتار