سيم- كارتالاردى ساتىپ الۋ كەزىندە بيومەتريالىق سايكەستەندىرۋ جاسالادى

استانا. KAZINFORM - ەلىمىزدە سيم-كارتالاردى ساتىپ الۋ كەزىندە بيومەتريالىق سايكەستەندىرۋ جۇيەسى ەنگىزىلىپ جاتىر.

بۇل تۋرالى ۇكىمەت وتىرىسىندا ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ ايتتى.

— جاڭا سيم- كارتالاردى ساتىپ الۋ كەزىندە بيومەتريالىق سايكەستەندىرۋ ەنگىزىلىپ جاتىر. سيم- كارتالاردى ءۇشىنشى تۇلعالارعا زاڭسىز بەرۋ جانە simbox-تاردى زاڭسىز پايدالانۋ جاعدايلارىنا قاتىستى جاۋاپكەرشىلىك كۇشەيتىلۋدە، - دەدى مينيستر ۇكىمەت باسشىسىنىڭ ساۋالىنا جاۋاپ بەرە وتىرىپ.

سپيكەر سونداي-اق الاياقتىققا قاتىستى زاڭ نورمالارىنىڭ دا كۇشەيتىلىپ جاتقانىن اتاپ ءوتتى.

- جەكە دەرەكتەردى قورعاۋ تالاپتارىن بۇزعانى ءۇشىن زاڭنامالىق تالاپتار كۇشەيتىلۋدە. الاياقتاردىڭ ارەكەتىن شەكتەيتىن ءبىرقاتار نورما ۇسىنىلدى. ول پارلامەنت دەپۋتاتتارىنىڭ قاراۋىندا. وسى باعىتتا جۇمىستار جالعاسىن تابادى، - دەدى ول.

وسىعان دەيىن قازاقستاندا ءبىر قولعا بەرىلەتىن SIM- كارتا سانىن شەكتەيتىن زاڭ ازىرلەنىپ جاتقانى ءمالىم بولدى.