ەسىل وزەنىنەن ەر ادامنىڭ ءمايىتى تابىلدى
استانا. KAZINFORM - استانادا ەسىل وزەنىنەن ەر ادامنىڭ ءمايىتى تابىلىپ، بۇل دەرەك بويىنشا قىلمىستىق ءىس قوزعالدى.
پوليتسيانىڭ مالىمەتىنشە، قازا تاپقان ازاماتتىڭ جەكە باسى انىقتالدى. ونىڭ ەلوردادالىق 54 جاستاعى تۇرعىن ەكەنى بەلگىلى بولدى.
- مارقۇمنىڭ دەنەسىنەن زورلىق-زومبىلىق بەلگىلەرى انىقتالعان جوق. قازىرگى ۋاقىتتا تەرگەۋ امالدارى جۇرگىزىلىپ جاتىر. وقيعانىڭ ءمان-جايى تەرگەۋ بارىسىندا انىقتالادى، - دەپ حابارلادى استانا قالالىق پوليتسيا دەپارتامەنتى.
پاۆلوداردا ەرتىس وزەنىندە قايىق اۋدارىلىپ، ءبىر ادام سۋعا كەتكەنىن جازعانبىز.
سونىمەن قاتار، ەرتىس وزەنىندە سۋعا كەتكەن ەر ادامنىڭ مۇردەسى التى تاۋلىكتەن سوڭ تابىلدى.
