ەسىل وزەنىندە سۋ دەڭگەيى ءالى دە كوتەرىلىپ كەلەدى - قازگيدرومەت
استانا. KAZINFORM - ەسىل وزەنىندە سۋ دەڭگەيى ءالى دە كوتەرىلىپ كەلەدى. بۇل تۋرالى «قازگيدرومەت» ر م ك باسپا ءسوز حاتشىسى الينا ىسماعۇلوۆا ايتتى.
«سولتۇستىك جانە وڭتۇستىك سيكلوندار جانە ولارمەن بايلانىستى اتموسفەرالىق فرونتالدى بولىنىستەر قازاقستاننىڭ باسىم بولىگىندە نايزاعايلى، جاڭبىرلى اۋا-رايىن تۋدىرادى. وڭتۇستىكتىڭ تاۋلى ايماقتارىندا قاتتى جاڭبىر جاۋادى. ەلدىڭ سولتۇستىگىندە تۇنگى ۋاقىتتا جاۋىن-شاشىن بولادى. رەسپۋبليكا بويىنشا تۇمان، جەل كۇشەيەدى دەپ كۇتىلۋدە»، - دەدى ول ورتالىق كوممۋنيكاتسيالار قىزمەتىندەگى بريفينگتە.
ونىڭ دەرەگىنشە، اقمولا وبلىسىنداعى ەسىل وزەنىنىڭ گيدرولوگيالىق بەكەتىندە سۋ دەڭگەيى 12 ساعاتتا 21 سانتيمەترگە كوتەرىلگەن. ال پەتروپاۆل قالاسىندا ەسىل وزەنىنىڭ گيدرولوگيالىق بەكەتىندە سۋ دەڭگەيىنىڭ كۇرت كوتەرىلۋى بايقالدى. سۋ دەڭگەيى تاۋلىك ىشىندە 144 سانتيمەترگە ارتتى. ال دولماتوۆو اۋىلى تۇسىندا ەسىل وزەنىنىڭ گيدرولوگيالىق بەكەتىندە سۋ دەڭگەيى تاۋلىك ىشىندە 135 سانتيمەترگە كوتەرىلدى.
