قازاقستاننىڭ ەكى مۇراسى يۋنەسكو تىزىمىنە ەنگىزىلدى
استانا. KAZINFORM - قازاقستان ۇسىنعان ەكى نوميناتسيا يۋنەسكو-نىڭ «الەم جادى» باعدارلاماسىنىڭ ازيا-تىنىق مۇحيتى وڭىرلىك تىزىلىمىنە ەنگىزىلدى.
بۇل شەشىم 2026 -جىلعى 5-قاراشادا دجاكارتادا وتكەن باعدارلامانىڭ ازيا جانە تىنىق مۇحيتى وڭىرلىك كوميسسياسىنىڭ (MOWCAP) وتىرىسىندا قابىلداندى.
تىزىلىمگە «ەسىك جازۋى: ەسىك قورعانىنان تابىلعان كۇمىس توستاعانداعى تۇركى رۋنا جازۋى» جانە «ءماشھۇر ءجۇسىپ كوپەيەۆتىڭ باسپا باسىلىمدارى جيناعى» ەندى.
قوس مۇرا تىزىلىمگە ەنگىزىلۋ ارقىلى قازاقستاننىڭ تاريحي-مادەني مۇراسىنىڭ حالىقارالىق دەڭگەيدە مويىندالعانىن ايعاقتايدى. ءوز كەزەگىندە بۇل ەلىمىزدىڭ مۇراسىن شەتەلدە كەڭىنەن تانىتۋعا مۇمكىندىك بەرەدى.
