پسيحيكالىق بۇزىلۋ بەلگىلەرىن 95 پايىز دالدىكپەن انىقتايتىن تەست جاسالدى
استانا. KAZINFORM - رەسەيلىك عالىمدار قىتاي مەن گەرمانياداعى ارىپتەستەرىمەن بىرلەسە وتىرىپ، پسيحيكالىق بۇزىلۋدى، سونىڭ ىشىندە دەپرەسسيانى دياگنوستيكالاۋعا ارنالعان بيوحيميالىق تەست جاسادى.
سكولكوۆو عىلىم جانە تەحنولوگيالار ينستيتۋتىنىڭ پروفەسسورى فيليپپ حايتوۆيچتىڭ ايتۋىنشا، تەست ناتيجەلەرى بويىنشا اۋرۋ بەلگىلەرىن انىقتاۋ دالدىگى 95 پايىز قۇرادى، دەپ حابارلايدى ت ا س س اقپارات اگەنتتىگى.
ونىڭ اتاپ وتۋىنشە، شيزوفرەنيا، دەپرەسسيا جانە باسقا دا پسيحيكالىق اۋرۋلار مي قىزمەتىنىڭ ءارتۇرلى دەڭگەيدە بايقالاتىن وزگەرىستەرىمەن، سونىڭ ىشىندە اقۋىز فۋنكسياسىنىڭ جانە گەندەر بەلسەندىلىگىنىڭ وزگەرۋىمەن سيپاتتالادى. اۆتورلار ازىرلەمەنىڭ نەگىزى رەتىندە قاننىڭ ليپيدتى قۇرامىن تالداۋدى پايدالاندى، ونىڭ كەيبىر وزگەرىستەرىن ول «پسيحيكالىق بۇزىلىستىڭ امبەباپ بەلگىسى» دەپ اتادى.
«(تەست) تاماشا جۇمىس ىستەيدى، دالدىگى 95 پايىز- دان جوعارى. بۇل - دياگنوزى بار ادامدار»، - دەدى حايتوۆيچ «رەسەي» حالىقارالىق كورمە-فورۋمىندا ءوتىپ جاتقان «ۇلتتىق جەتىستىكتەر فورۋمى: عىلىم جانە ۋنيۆەرسيتەتتەر» كونفەرەنسياسىندا.
ونىڭ قوسىپ وتۋىنشە، بۇل سىناقتان 1 مىڭنان استام دياگنوزى جوق ەرىكتىلەر قاتىسقان. ولاردىڭ كەيبىرەۋلەرى قان اناليزىنىڭ قورقىنىشتى قورىتىندىلارىن الىپ، پسيحياترعا جۇگىندى، ناتيجەسىندە «اۋىر دەپرەسسيالىق بەلگىلەر» انىقتالدى.
قازىرگى كەزدە شەشىم سەرتيفيكاتتاۋ پروتسەدۋراسىنان وتۋدە، دەپ ناقتىلادى عالىم.
