پسيحولوگيالىق شارشاۋ: ساياسات تانۋشى ۇكىمەتتىڭ تاراۋى تۋرالى

данияр әшімбаев
Фото: Данияр Әшімбаев/Facebook

استانا. KAZINFORM - بەلگىلى ساياساتتانۋشى دانيار اشىمبايەۆ ۇكىمەتتىڭ بۇگىن وتستاۆكاعا كەتۋىن توسىن جاعداي دەپ باعالادى. ىقتيمال سەبەپتەرىنىڭ ءبىرى رەتىندە ساراپشى پسيحولوگيالىق شارشاۋدى اتادى.

«ۇكىمەتتىڭ بۇگىن وتستاۆكاعا كەتۋى كۇتپەگەن جاعداي بولدى. سارسەنبىگە بەلگىلەنگەن ۇكىمەتتىڭ كەڭەيتىلگەن وتىرىسىندا قانداي دا ءبىر تالداۋ بولادى دەگەن نۇسقالار تالقىلاندى. ءبىراق پرەزيدەنت بۇگىن شەشىم قابىلدادى. ەڭ الدىمەن، وتستاۆكاعا كەتۋدىڭ سەبەبى پسيحولوگيالىق شارشاۋ دەپ ويلايمىن. ءاليحان سمايىلوۆ ۇكىمەتىنىڭ ۇلەسىنە ايتارلىقتاي ۇلكەن جۇمىس جۇكتەمەسى ءتۇستى: سىرتقى داعدارىس، ەكونوميكانى مونوپوليادان ارىلتۋ قاجەتتىگى»، - دەپ ءتۇسىندىردى دانيار اشىمبايەۆ اگەنتتىك تىلشىسىنە بەرگەن سۇحباتىندا.

ساياسات تانۋشىنىڭ ايتۋىنشا، جالپى ۇكىمەتتىڭ جۇمىسىن ۇشتىككە باعالاۋعا بولادى.

«ودان دا جاقسى جۇمىس ىستەۋگە بولار ەدى. جەتىستىكتەر بولدى، ءبىراق كوپتەگەن كەمشىلىكتەر دە ورىن الدى. پرەزيدەنت ۇزاق ۋاقىت بويى قالىپتى ەكونوميكالىق ستراتەگيانى تالاپ ەتىپ، بىرنەشە رەت سوگىس ايتقانى تۇسىنىكتى. پرەزيدەنت ۇكىمەتكە بۇكىل قاجەتتى كارت-بلانشتى ۇسىندى. ءبىراق، جۇما كۇنى پرەزيدەنت جوعارى اۋديتورلىق پالاتانىڭ ءتوراعاسى ناتاليا گودۋنوۆانى قابىلداعانىن ەسكەرۋ قاجەت. كەزدەسۋ تۋرالى اقپارات قىسقا بولدى. ءبىراق سوندا پرەزيدەنت قازىرگى ۇكىمەتتى باعالاۋ تۋرالى تولىق مالىمەت الدى»، - دەپ اتاپ ءوتتى ساياساتتانۋشى.

دانيار اشىمبايەۆ قازاقستاندىقتارعا جوعارى اۋديتورلىق پالاتانىڭ ءتوراعاسى ناتاليا گودۋنوۆانىڭ وتكەن جىلعى بيۋدجەتتى اتقارۋ جونىندەگى ەسەبىن ەسكە سالدى.

«ءبىز 2021-جىلى قابىلدانعان ۇلتتىق جوسپارلاۋ جۇيەسىنىڭ ءبارى جويىلعانىن كورىپ وتىرمىز. جاڭاسىن جاساۋ تۋرالى ايتىلدى، ءبىراق سول كۇيى پايدا بولمادى. ەكونوميكاداعى جاعداي پرەزيدەنتتى كوماندانى اۋىستىرۋ جونىندە شەشىم قابىلداۋعا يتەرمەلەدى. ياعني، ۇكىمەت داعدارىسقا قارسى مەنەدجەر رەتىندە ايتارلىقتاي قارقىندى جۇمىس ىستەگەنى تۇسىنىكتى، ءبىراق ءبىز قالاعانداي جاقسى ەمەس. دامۋ ماسەلەلەرى ارتتا قالدى. جوسپارلار مەزگىل-مەزگىل تۇزەتىلىپ، وزگەرتىلىپ، جويىلىپ، قايتا تۇزەتىلدى. ءبىراق، مەنىڭ ويىمشا، ۇكىمەتتىڭ وزگەرۋىمەن بىرگە اتقارۋشى بيلىك قايتا قۇرىلادى»، - دەپ تۇيىندەدى ساراپشى.

سوڭعى جاڭالىقتار