پسيحولوگ ۇيىقتار الدىندا قورقىنىشتى ويلاردان ارىلۋ ءادىسىن اتادى

استانا.قازاقپارات - پسيحولوگيا پروفەسسورى دجون گرەگەر، ۇيىقتار الدىندا ءينترۋزيۆتى ويلار سوزىلمالى مازاسىزدىقتىڭ جالپى بەلگىسى دەيدى.

ول ارىپتەسى، كلينيكالىق پسيحولوگ مەگ ەررول مەترومەن بىرگە ۇيقىسىزدىق تۋدىراتىن ويلار اعىنىنان قۇتىلۋدىڭ جولدارىن اتادى.

گرەگەر سوزىلمالى مازاسىزدىقپەن اۋىراتىن ادامدار قالىپتى ءومىر سۇرە الاتىنىن، جوعارى فۋنكتسيونالدى بولىپ جۇرە الاتىنىن جانە ءتىپتى تۇراقتى الاڭداۋشىلىقتى بايقامايتىنىن اتاپ ءوتتى. ونىڭ پىكىرىنشە ۇزاق ەموتسيونالدى شامادان تىس جۇكتەمە ۇيقىسىزدىققا، تىتىركەنۋگە جانە شارشاۋعا اكەلەدى. بۇل اقىر سوڭىندا پسيحيكالىق شارشاۋدى تۋدىرادى.

"ءبىز قاتتى شارشاعان كەزدە عانا ۇيىقتاي الامىز. ونداي ۋاقىتتا ءتۇرلى وي ويلاۋعا ۋاقىت تا بولمايدى. ال سرەسس ۇيىقتاۋدى قيىنداتادى. ويتكەنى بىزدە الاڭداۋشىلىق كوپ بولادى"،-دەيدى گرەگەر.

ءوز كەزەگىندە، كلينيكالىق پسيحولوگ ەررول دەنە مازاسىزدىقتى قاۋىپ سيگنالى رەتىندە قاراستىراتىنىن جانە ميدىڭ ىقتيمال قاۋىپكە جاۋاپ بەرۋگە دايىن بولۋى ءۇشىن ۇيىقتاپ كەتۋىنە جول بەرمەيتىنىن اتاپ ءوتتى. ونىڭ ايتۋىنشا، بۇل پرينتسيپ شىن مانىندە ءقاۋىپ بولماسا دا جۇمىس ىستەيدى.

ۇيىقتاۋعا كەدەرگى بولاتىن ويلار اعىنىنان قۇتىلۋ ءۇشىن ماماندار جاتار الدىندا جاقىن ادامىڭىزبەن سويلەسۋگە نەمەسە كۇندەلىك جۇرگىزۋگە كەڭەس بەردى. گرەگەر جاقسى وقيعالارعا نازار اۋدارۋ ماڭىزدى ەكەنىن اتاپ ءوتتى. ەگەر ويىڭىزعا پوزيتيۆتى ەشتەڭە كەلمەسە، وتكەن كۇن تۋرالى ويلانۋعا بولادى.

"جاتتىعۋ جاساڭىز، مۇمكىندىگىنشە جانجال تۋدىراتىن جانە الاڭداۋشىلىق تۋدىراتىن جاعدايلاردان اۋلاق بولىڭىز. تۇندە الكوگول نەمەسە كوفەين ىشۋدەن اۋلاق بولىڭىز"، - دەدى دارىگەر.

Massaget.kz