پسيحولوگ بالاعا جاقسى باعا ءۇشىن اقشا بەرىپ ەركەلەتۋدىڭ قانشالىق دۇرىس ەكەنىن ايتتى

 بالاعا مەكتەپتەگى جەتىستىك ءۇشىن اقشالاي سىياقى بەرۋ كەيىن ونىڭ وقۋعا دەگەن ىنتاسىن جوعالتۋىنا اكەلۋى مۇمكىن. بۇل تۋرالى پسيحولوگ بوگدان دەريابين Gazeta-عا ايتتى. 

ساراپشىنىڭ ايتۋىنشا، شىنىمەندە بالاعا اقشالاي سىياقى بەرىپ، ەركەلەتۋ ونىڭ وقۋعا دەگەن ۇمىتىلىسىن ارتتىرىپ، تەز ناتيجە بەرەدى، ويتكەنى وقۋشى كەز كەلگەن تاسىلمەن پلانشەت، ويىنشىق، سكۋتەر سياقتى قالاعانىنا اقشا تابۋعا تىرىسادى. وعان قوسا، ادەتتە، تولەم مولشەرى بىرتىندەپ ارتىپ، بالا كىشكەنتايىنان اقشا تابا باستايدى.

"بۇل ءادىس باسىندا جۇمىس ىستەيدى، سودان كەيىن اسەر ەتپەي قالادى، ال سالدارى سىزگە ۇناماۋى مۇمكىن. بالا وتباسىدا تاۋار- اقشا قاتىناستارى مۇمكىن ەكەنىن تۇسىنەدى. جاقسى ناتيجە ءۇشىن بەرىلەتىن اقشالاي سىياقى بەرۋ توقتاتىلعان كەزدە بالانىڭ وقۋعا دەگەن قۇشتارلىعى توقتايدى، بۇل ءبىرىنشى سالدار.

ەكىنشىسى، ءبىز بالانىڭ كوڭىلىن وقۋ موتيۆاتسياسىنان اقشالاي موتيۆاتسياعا اۋدارامىز، بالانىڭ بار نازارى جاڭا ءبىلىم الۋعا ەمەس جاقسى باعا الىپ، بەرىلەتىن قاراجاتقا باعىتتالادى. ەڭ قورقىنىشتىسى، اتا- اناسى جوعارعى وقۋ ورنىنا ءتۇسى ءۇشىن اقشامەن ىنتالاندىرعان كەيبىر بالالار ينستيتۋتقا تۇسكەننەن كەيىن وقىماي قالادى. ويتكەنى ولار وقۋدىڭ نە ءۇشىن كەرەگىن تۇسىنبەيدى"، - دەپ ءتۇسىندىردى پسيحولوگ.

مۇنداي ىنتالاندىرۋ ەگەر اتا-انا بالاعا قارجىلىق ساۋاتتىلىقتى ۇيرەتۋدى ماقسات ەتسە عانا بولادى.

"اتا-انا بالا ءوز كەرەگىنە اقشا الۋدىڭ جالعىز جولى "5" دەگەن باعا ەمەس ەكەنىن ءتۇسىنۋ كەرەك. شەكتەۋ بەلگىلەڭىز، مىسالى اپتاسىنا 500 دەن 2000 تەڭگەگە دەيىن جانە وسى سوماعا العان باعا ءۇشىن سىيدى قوسىڭىز. وقۋشى ءۇشىن ەڭ مىقتى موتيۆاتسيا - وعان مەكتەپ نە ءۇشىن قاجەت ەكەنىن ءتۇسىنۋ.

اتا-انا ءۇشىن بالانىڭ مۇددەسىنە نازار اۋدارىپ، ونىمەن بولاشاق ماماندىق تۋرالى سويلەسۋ ماڭىزدى. ماماندىعى تۋرالى شەشىمدى ءجاسوسپىرىم كەزىندە تاڭداسا، وقۋشىنىڭ ءوزى ۋنيۆەرسيتەتتە قانداي ءپان قاجەت بولاتىنىن ءبىلىپ، جاقسى وقۋعا تىرىسادى"، - دەپ تۇيىندەدى پسيحولوگ.

 

 Massaget.kz