سيفرلىق تەڭگە قولما-قول جانە قولما-قولسىز تەڭگە باعامىنا اسەر ەتە مە - ۇلتتىق بانك جاۋابى
استانا. KAZINFORM - ۇلتتىق بانك جاڭا ۆاليۋتا - سيفرلىق تەڭگەنى قولدانىسقا ەنگىزۋگە قاتىستى اگەنتتىكتىڭ ناقتىلاۋ ساۋالىنا جاۋاپ بەردى. ولاردىڭ ايتۋىنشا، ۆاليۋتا شىعارۋ قولما-قول جانە قولما-قول اقشاسىز تەڭگە باعامىنا اسەر ەتپەيدى.
تەڭبە-تەڭ
ساۋال جاۋابىندا سيفرلىق تەڭگە باسقا ۇلتتىق ۆاليۋتانىڭ باسقا نۇسقالارىمەن تەڭبە-تەڭ (قولما-قول جانە قولما-قولسىز اقشا)، سونداي-اق ۇلتتىق ۆاليۋتا باعامىنا اسەر ەتپەيدى. ول ۇلتتىق بانك جانە ەكىنشى دەڭگەيلى بانكتەردىڭ جۇيەلەرىمەن بىرىكتىرىلگەن ءتىزىلىم پلاتفورماسىندا جۇزەگە اسىرىلعان.
«سيفرلىق تەڭگە - ۇلتتىق بانك شىعاراتىن جانە مىندەتى سانالاتىن اقشا قاراجاتى. ال كريپتوۆاليۋتالار اقشا بولىپ سانالمايدى. ولار بويىنشا ەشكىمنىڭ مىندەتتەمەلەرى جوق جانە ولار قازاقستان رەسپۋبليكاسىندا ەسەپ ايىرىسۋ قۇرالى رەتىندە ارەكەت ەتە المايدى»، - دەلىنگەن ساۋال جاۋابىندا.
سيفرلىق تەڭگەنى كىمدەر پايدالانا الادى
قازاقستاندىقتار سيفرلىق تەڭگەنى قولما-قول جانە قولما-قولسىز اقشا سياقتى ءوز قالاۋى بويىنشا پايدالانا الادى. جەكە جانە زاڭدى تۇلعالار ءۇشىن تسيفرلىق تەڭگەگە قول جەتكىزۋ (شوتتار اشۋ، سيفرلىق تەڭگەنى ايىرباستاۋ جانە ساتىپ الۋ، تولەمدەر، اۋدارىمدار جانە وزگە دە وپەراتسيالار) قارجى نارىعىنا قاتىسۋشى بانكتەر ارقىلى جۇزەگە اسىرىلادى. تولىق كولەمدە تسيفرلىق تەڭگە 2025-جىلى ىسكە قوسىلادى، سودان كەيىن وعان بارلىق نيەت ءبىلدىرۋشى قول جەتكىزە الادى.
قازىر قالاي قولدانۋعا بولادى
سيفرلىق تەڭگەنىڭ پيلوتتىق جوباسى تسيفرلىق تەڭگەنى شىعارۋ، پيلوتتىق توپقا قاتىسۋشى بانكتەردىڭ كليەنتتەرى اراسىندا تولەمدەر جۇرگىزۋ ستسەنارييلەرى بار، ول 5 بانكتە جۇمىس ىستەيدى. قازىرگى ۋاقىتتا ۇكىمەتپەن جانە سىبايلاس جەمقورلىققا قارسى ءىس-قيمىل اگەنتتىگىمەن بىرلەسىپ، جول قۇرىلىسىندا بيۋجەت قاراجاتىن قاداعالاۋ جانە اۋىل شارۋاشىلىعىندا مەملەكەتتىك قولداۋ شارالارى جوبالارى ىسكە اسىرىلۋدا.
سيفرلىق تەڭگەنىڭ قولما-قول اقشادان باستى ايىرماشىلىق نەدە
سيفرلىق تەڭگەنىڭ ەرەكشەلىگىنىڭ ءبىرى تاڭبالاۋ مۇمكىندىگى، ياعني باعدارلامالاۋ ارقىلى وعان بەلگىلى ءبىر قاسيەتتەر بەرۋ. وسى ەرەكشەلىكتەر ارقىلى مەملەكەتتىك ساتىپ الۋلارداعى ەسەپ ايىرىسۋ تىزبەگى بويىنشا بيۋجەت قاراجاتىنىڭ جۇمسالۋىن قاداعالاۋ قامتاماسىز ەتىلۋى مۇمكىن.
بۇعان دەيىن قازاقستاندا قوسىلعان قۇن سالىعىن سيفرلىق تەڭگەمەن تولەۋگە بولاتىنىن جازعان ەدىك.
