14:30, 24 - قاراشا 2024 | GMT +5
سىبىردە 37 مىڭ جىل بۇرىن مەكەندەگەن جولبارىستىڭ سۇيەگى تابىلدى
استانا. KAZINFORM - سىبىردە قازبا جۇمىستارى كەزىندە سەمسەر ءتىستى جولبارىس كۇشىگىنىڭ جاقسى ساقتالعان قالدىقتارى تابىلدى، - دەپ حابارلايدى 24.kz تەلەارناسى.
ارحەولوگتاردىڭ پايىمداۋىنشا، ول 37 مىڭ جىل بۇرىن تىرشىلىك ەتكەن. ونىڭ باسى مەن الدىڭعى اياقتارى جاقسى ساقتالعان.
جانۋار قازىرگى جولبارىستاردان ىرىلەۋ بولعان. اسىرەسە مويىنى قالىڭداۋ. نەگىزى مۇز داۋىرىندە سەمسەر ءتىستى جولبارىستار ەۋرازيا، افريكا مەن امەريكادا تىرشىلىك ەتكەن.
وسى كۇنگە دەيىنگى قالدىقتاردىڭ كوبى سولتۇستىك امەريكا اۋماعىنان تابىلعان.
سوندىقتان ارحەولوگتاردىڭ بۇل ولجاسى ەۋرازيالىق جىرتقىشتارعا قاتىستى كوپ جاڭا مالىمەت بەرۋى ءتيىس دەيدى عالىمدار.
