سىبايلاس جەمقورلىق بويىنشا ايىپتالعان ىستامبۇل مەرى قاماۋعا الىندى
استانا. KAZINFORM - ىستامبۇل سوتى قالانىڭ مەرى ەكرەم يماموعلۋدى قاماۋعا الدى، دەپ حابارلايدى BBC.
ىستامبۇل پروكۋراتۋراسى وعان بىرنەشە باپ بويىنشا ايىپ تاقتى، سونىڭ ىشىندە قىلمىستىق ۇيىمدى باسقارۋ، وعان قاتىسۋ، پاراقورلىق جانە الاياقتىق ايىپتارى بار. مەر بۇل ايىپتاردى جوققا شىعارادى.
يماموگلۋدىڭ ۇستالۋى وپپوزيتسيا ونى 2028 -جىلعا جوسپارلانعان پرەزيدەنت سايلاۋىنا كانديدات رەتىندە ۇسىنۋدان بىرنەشە كۇن بۇرىن بولعان.
ايتا كەتەيىك، 19-ناۋرىزدا وپپوزيتسيالىق مەردىڭ قاماۋعا الىنۋى نارازىلىقتار مەن ليرانىڭ قۇنسىزدانۋىنا اكەلدى. تىيىمدارعا قاراماستان، جۇما كەشىندە ءىرى قالالاردا دەمونستراتسيالار ءوتتى. ەل بويىنشا 300 دەن استام نارازىلىق ءبىلدىرۋشى ۇستالعانى حابارلاندى.
ايتا كەتەلىك قازاقستاننىڭ تۇركياداعى ەلشىلىگى تۇركياداعى نارازىلىققا قاتىستى مالىمدەمە جاساعان ەدى.
