سىبايلاس جەمقورلاردىڭ جاريا ءتىزىلىمى ەنگىزىلەدى

استانا. KAZINFORM - اۋىر جانە اسا اۋىر سىبايلاس جەمقورلىق قىلمىستار جاساعانى ءۇشىن سوتتالعانداردىڭ جاريا ءتىزىلىمى ەنگىزىلەدى.

Сыбайлас жемқорлық
Фото: ҚазАқпарат

 بۇل تۋرالى ءماجىلىستىڭ جالپى وتىرىسىندا سىبايلاس جەمقورلىققا قارسى ءىس- قيمىل ماسەلەلەرى بويىنشا زاڭ جوباسىن تالقىلاۋ كەزىندە ق ر سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ءبىرىنشى ورىنباسارى ۇلان سارقۇلوۆ ءمالىم ەتتى.

- سىبايلاس جەمقورلاردىڭ جاريا ءتىزىلىمىن ەنگىزۋ ەسكەرىلگەن. بۇل - پروفيلاكتيكالىق قۇرال. ونىڭ باستى ماقساتى - قوعام ارقىلى سىبايلاس جەمقورلىققا توزبەۋشىلىكتى قالىپتاستىرۋ. تىزىلىمدە اۋىر نەمەسە اسا اۋىر سىبايلاس جەمقورلىق قىلمىستار جاساعانى ءۇشىن سوتتالعاندار تۋرالى مالىمەتتەر قامتىلاتىن بولادى. مالىمەتتەر تەك زاڭدى كۇشىنە ەنگەن ايىپتاۋ ۇكىمىنىڭ نەگىزىندە قوسىلادى، - دەدى ۇ. سارقۇلوۆ.

ونىڭ ايتۋىنشا، تىزىلىمىنەن اقتاۋ ۇكىمىنىڭ زاڭدى كۇشىنە ەنۋى جانە سوتتىلىقتىڭ وتەلۋى نەگىزىندە شىعارۋ مۇمكىن بولادى. ءتىزىلىم اگەنتتىكتىڭ سايتىنا ورنالاستىرىلادى. ءتىزىلىمدى جۇرگىزۋدى اگەنتتىككە بەكىتۋ كوزدەلىپ وتىر.

بۇدان بۇرىن حابارلانعانداي، انتيكور قازاقستاننىڭ تۋريزم سالاسىنداعى سىبايلاس جەمقورلىقتى تەكسەرەدى.

سوڭعى جاڭالىقتار