سوتتالۋشىلار قايتىس بولعان قىزدىڭ وتباسىنا 50 ميلليوننان اسا وتەماقى تولەيدى
اقتاۋ. KAZINFORM - ولار ماتەريالدىق وتەماقى رەتىندە 19 ميلليوننان استام جانە مورالدىق زيان ءۇشىن 30 ميلليون تەڭگەدەن استام قاراجات تولەۋى ءتيىس.

بۇگىنگى سوت وتىرىسىنا ءالينا سەرىكوۆانىڭ اكەسى مەن اناسى جانە ءىنىسى باۋىرجان جولجان دا قاتىستى. سوت باستى سوتتالۋشى نۇرگەلدى سەيىتقاليەۆكە ءومىر بويى باس بوستاندىعىنان ايىرۋ جازاسىن تاعايىندادى. سوتتالۋشى ەركەبۇلان امانقوسقا 16 جىلعا، مەرەي ارالباي، جالعاس ۇسەنعاليەۆ پەن دارحان قۇلباسقا 13 جىلدان بەرىلدى.
ەسكە سالساق، اقتاۋدا سپورتشى قىزدى 5 تۇرعىن كۇشپەن الىپ كەتىپ، قورلاپ، زورلىق كورسەتكەن ەدى. سالدارىنان 30 جاستاعى قىز وزىنە قول جۇمساپ، قازا تاپتى.
بۇعان دەيىن 30-قاڭتاردا ماڭعىستاۋ وبلىستىق سوتىندا ءالينا سەرىكوۆانىڭ ىسىنە قاتىستى اپپەلياتسيالىق سوت وتىرىسى وتكەنىن جازعان ەدىك.
اۆتور
اياگوز ءىزباساروۆا