سوتتالعانداردى باقىلاۋ ءۇشىن 2 مىڭنان اسا بىلەزىك جالعا الىندى
استانا. قازاقپارات - بيىل شىلدەدە سوتتالعانداردى باقىلاۋ ءۇشىن 2 مىڭنان اسا بىلەزىك جالعا الىندى. بۇل تۋرالى ءى ءى م قىلمىستىق- اتقارۋ جۇيەسى كوميتەتىنىڭ (ق ا ج) ءتوراعاسى تەڭىزجان جانىبەكوۆ ايتتى، - دەپ حابارلايدى Halyq Uni.
ءتوراعا سوتتالعاندار اراسىندا قۇقىق بۇزۋشىلىقتاردىڭ الدىن الۋعا ەرەكشە نازار اۋدارىلاتىنىن اتاپ ءوتتى.
سوندىقتان بيىل شىلدەدەن باستاپ 2 مىڭنان اسا ەلەكتروندى باقىلاۋ قۇرالى (بىلەزىكتەر) جالعا الدى. پروباتسيا قىزمەتى باس بوستاندىعىن شەكتەۋگە جانە شارتتى تۇردە سوتتالعان ادامدارعا ەلەكتروندى بىلەزىكتەردى قولدانۋعا قۇقىلى، - دەدى تەڭىزجان جانىبەكوۆ ءى ءى م-دە وتكەن بريفينگتە.
ونىڭ ايتۋىنشا، بىلەزىكتەر سوتتالعانداردى قاشىقتان باقىلاۋعا، ولاردىڭ قايدا جۇرگەنىن بىلۋگە مۇمكىندىك بەرەدى.
بۇل قىلمىستىڭ قايتا جاسالماۋىنا مۇمكىندىك بەرەدى. بۇگىندە بىلەزىكتى قولدانۋ تاجىريبيەسى ءوز تيىمدىلىگىن كورسەتتى. ولاردىڭ كومەگىمەن 350 زاڭبۇزۋشىلىق انىقتالدى. جازا ءتۇرىن باس بوستاندىعىنان ايىرۋ جازاسىنا اۋىستىرۋ تۋرالى سوتتارعا 87 ماتەريال جولداندى، - دەدى ءتوراعا.
