سوت قۋاندىق بيشىمبايەۆتىڭ ۇيالى تەلەفونىن تەكسەرىپ جاتىر
استانا. KAZINFORM - ەلوردادا ەكس- شەنەۋنىك قۋاندىق بيشىمبايەۆقا قاتىستى سوت ءوتىپ جاتىر. قازىر اشىق سوت وتىرىسىندا ايىپتالۋشىنىڭ جەكە ۇيالى تەلەفونىنداعى اۋديو، فوتو، ۆيدەو دالەلدەردى زەرتتەپ جاتىر.
«ق. بيشىمبايەۆ سوتتىڭ زەرتتەۋى ءۇشىن ۇيالى تەلەفونىنىڭ ءپارولىن بەرۋگە كەلىسەدى»، - دەدى ق. بيشىمبايەۆتىڭ ادۆوكاتى گازان عازىمجانوۆ.
ەسكە سالا كەتەيىك، بۇعان دەيىن قۋاندىق بيشىمبايەۆ ۇيالى تەلەفونىنىڭ ءپارولىن بەرمەي، تەك قورعاۋشىلارىنا سەنىپ تاپسىراتىنىن ايتقان ەدى.
قۋاندىق بيشىمبايەۆتىڭ ۇيالى تەلەفونىنان 12 بەينەجازبا تابىلدى.
سۋديانىڭ ايتۋىنشا، ۆيدەولار 8 نەن 9-قاراشاعا قاراعان ءتۇنى تۇسىرىلگەن. بەينەجازبالار مەيرامحانانىڭ VIP- بولمەسىندە، كوشەدە جانە بيشىمبايەۆتىڭ كولىگىندە تۇسىرىلگەن. ۆيدەوجازبادا ايىپتى ازاماتتىق نەكەدەگى سالتانات نۇكەنوۆانى بەيادەپ سوزدەرمەن قورلاعانى ەستىلەدى.
ءوز كەزەگىندە ق. بيشىمبايەۆ موبيلدى تەلەفونىنداعى ۆيدەولاردىڭ قايدان پايدا بولعانىن بىلمەيتىنىن جانە ولاردىڭ مونتاج ەكەنىن مالىمدەدى.
ايتا كەتەيىك، بۇگىن ق. بيشىمبايەۆ ىسىنە قاتىستى سوت وتىرىسىنا ب ا ق وكىلدەرىنىڭ كىرۋىنە قايتا رۇقسات بەرىلدى.
