سوت ابىلاي مىرزاحمەتوۆتىڭ جازاسىن جەڭىلدەتۋدەن باس تارتتى

استانا. KAZINFORM - «اتامەكەن» ۇلتتىق كاسىپكەرلەر پالاتاسىنىڭ بۇرىنعى باسقارما ءتوراعاسى ابىلاي مىرزاحمەتوۆ سوتقا جۇگىنىپ، جازاسىن جەڭىلدەتۋدى سۇراعان. بۇل تۋرالى پاۆلودار قالاسى 2-سوتىنىڭ باسپا ءسوز قىزمەتى حابارلايدى.

Абылаю Мырзахметову
Фото: Kazinform

- 2025-جىلعى 28-قاڭتاردا پاۆلودار قالاسىنىڭ 2-سوتى سوتتالعان ابىلاي مىرزاحمەتوۆتىڭ جازاسىن وتەلمەگەن بولىگىن نەعۇرلىم جەڭىل، ياعني باس بوستاندىعىن شەكتەۋ تۇرىندەگى جازاعا اۋىستىرۋ تۋرالى ءوتىنىشحاتىن قاراپ، جازاسىن وتەۋ مەرزىمىنىڭ بارلىق كەزەڭىندە، ونىڭ ىشىندە كۇزەتپەن ۇستاۋ ۋاقىتىنداعى ءتارتىبى تۋرالى مالىمەتتەردى زەردەلەپ، پروتسەسكە قاتىسۋشىلاردىڭ پىكىرىن تىڭدادى، - دەلىنگەن سوت حابارلاماسىندا.

ايتا كەتسەك، قىلمىستىق كودەكسكە سايكەس، سوتتالۋشىنىڭ مىنەز- قۇلقىندا وڭ وزگەرىستەر بولسا، جازانى جەڭىلدەتۋ جاعدايى كوزدەلگەن.

- الايدا ا. مىرزامەتوۆتىڭ مىنەز-قۇلقىندا وڭ وزگەرىس جوق جانە جازاسىن وتەۋ داعدىلى جاعدايعا جاتادى. جازاسىن وتەۋدىڭ بارلىق كەزەڭىندە سوتتالعان ادام ەڭبەككە ادال قاتىناسى ءۇشىن تەك 1 كوتەرمەلەۋ الدى، بۇل زاڭعا سايكەس سوتتالۋشىنىڭ نەگىزگى مىندەتى. قورىتىندىلار بويىنشا سوت جازانىڭ وتەلمەگەن بولىگىن باس بوستاندىعىن شەكتەۋ تۇرىندەگى نەعۇرلىم جەڭىل جازامەن اۋىستىرۋعا جەتكىلىكتى نەگىزدەر تاپپادى. وسىعان بايلانىستى سوتتالعان ادامنىڭ ءوتىنىشحاتى قاناعاتتاندىرۋسىز قالدىرىلدى، - دەيدى پاۆلودار قالالىق سوتىنان.

سوت قاۋلىسى زاڭدى كۇشىنە ەنگەن جوق.

ەسكە سالا كەتەيىك، «اتامەكەن» ۇلتتىق كاسىپكەرلەر پالاتاسىنىڭ ەكس-ءتوراعاسى ابىلاي مىرزاحمەتوۆ 2023-جىلى 10-مامىردا ۇستالدى.

2023-جەلتوقساندا ابىلاي مىرزاحمەتوۆتىڭ ءىسى سوتقا جولداندى.

ايتا كەتسەك، ابىلاي مىرزاحمەتوۆتىڭ سوتى جابىق ءوتتى.

ەلوردا سوتى ابىلاي مىرزاحمەتوۆ 13,9 ميلليارد جىمقىردى دەگەن ۇكىممەن ونى 5 جىلعا باس بوستاندىعىنان ايىردى.

سوڭعى جاڭالىقتار