سپورتتىق قۇزعا ورمەلەۋدەن ءامىر مايمۇراتوۆ پاريج وليمپياداسىنا بارادى

استانا. KAZINFORM - ۆەنگريا استاناسى بۋداپەشت قالاسىندا وتكەن سپورتتىق قۇزعا ورمەلەۋ بويىنشا جارىستا قازاقستاندىق ءامىر مايمۇراتوۆ پاريج وليمپياداسىنا جولداما جەڭىپ الدى. قازاقستاندىق سپورتشى فينالدىق راۋندتا ەكىنشى ورىن العان ەدى. بۇل ناتيجە وعان پاريج وليمپياداسىنا جولداما الۋعا مۇمكىندىك جاسادى.

ايتا كەتسەك، مايمۇراتوۆ تاياۋدا عانا 15 مەترلىك قابىرعادا قازاقستاننىڭ رەكوردىن ورناتقان بولاتىن.

2024-جىلعى جازعى وليمپيادا ويىندارى پاريجدە 26-شىلدە مەن 11-تامىز ارالىعىندا وتەدى.

ءدۇبىرلى دوداعا 205 مەملەكەتتىڭ 10,5 مىڭ سپورتشىسى 32 تۇرىنەن قاتىسادى. بۇگىنگى تاڭدا بىزدە 22 سپورت تۇرىنەن 78 ليتسەنزيا بار.

قازاقستاندىق سپورتشىلار جازعى وليمپيادا ويىندارىنا 1996-جىلدان بەرى قاتىسىپ كەلەدى.

قازىرگە دەيىن بارلىعى 71 مەدال ەنشىلەگەن. ونىڭ 14 ءى - التىن، 21 ءى - كۇمىس، 36 سى - قولا. ولاردىڭ اراسىنان بىلعارى قولعاپ شەبەرلەرىنىڭ جەڭىس تۇعىرىنان كورىنگەنى كوپ جايدى ايعاقتايدى.