سپورتتى دامىتۋ ديرەكتسياسىنا باسشى تاعايىندالدى

سپورتتى دامىتۋ ديرەكتسياسىنىڭ ديرەكتورى قىزمەتىنە ەرلان ەستەك تاعايىندالدى، دەپ حابارلايدى kazinform.

سپورتتى دامىتۋ ديرەكتسياسىنىڭ باسپا ءسوزى قىزمەتى ءمالىم ەتكەندەي، ول بۇعان دەيىن Qazaq kuresi قاۋىمداستىعىنىڭ باس ديرەكتورى قىزمەتىن اتقارعان.

ەرلان ەستەك ق ر تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى سپورتتى دامىتۋ ديرەكتسياسىنىڭ ديرەكتورى قىزمەتىنە تاعايىندالىپ وتىر. ول 1982-جىلى 5 قىركۇيەكتە قوستاناي وبلىسىندا دۇنيەگە كەلگەن.

ارقالىق قالاسىنداعى مەملەكەتتىك پەداگوگيكا ينستيتۋتىن (2003-جىلى)، شىمكەنت ۋنيۆەرسيتەتىن (2016-جىلى)، قازاق سپورت جانە تۋريزم اكادەمياسىنىڭ ماگيستراتۋراسىن (2017-جىلى) ءتامامداعان.

ەڭبەك جولىن 2001-جىلى جاتتىقتىرۋشى-وقىتۋشى رەتىندە باستادى.

قازاق كۇرەسىنەن 2 دۇركىن الەم جانە ازيا چەمپيونى. دزيۋدودان ق ر سپورت شەبەرى، قازاق كۇرەسىنەن حالىقارالىق دارەجەدەگى سپورت شەبەرى، ۇلتتىق دارەجەدەگى تورەشى.

باپكەر رەتىندە قازاق كۇرەسىنەن 9 الەم چەمپيونىن، 5 ازيا جەڭىمپازىن 30 دان استام ق ر سپورت شەبەرىن دايارلاعان.

اۆتور كۇنسۇلتان وتارباي