سپورتتا ۇلكەن جەتىستىككە جەتكەن قانداسىمىز تۋرالى فيلم جارىق كوردى

Ерғали Шамей
Фото: Астана спорт басқармасы

استانا. KAZINFORM - ەلورداداعى «سارىارقا» ساۋدا جانە ويىن-ساۋىق ورتالىعىنىڭ كينوتەاترىندا ۇلتتىق كينو ورتالىعىنىڭ قولداۋىمەن Dala cinema كومپانياسى تۇسىرگەن «ءۇمىت ساۋلەسى» فيلمىنىڭ جابىق كورسەتىلىمى ءوتتى.

استانا قالالىق سپورت باسقارماسىنىڭ باسپا ءسوز قىزمەتى ءمالىم ەتكەندەي، «ءۇمىت ساۋلەسى» فيلمىنىڭ باستى كەيىپكەرى - استانا قالاسىنىڭ پارا سپورتشىسى ەرعالي شامەي. مونعوليادا تۋعان قانداسىمىز 18 جاسىندا اتا-جۇرتىنا ءبىرجولا قونىس اۋدارىپ، 2015-جىلى جاتتىقتىرۋشىنىڭ ارنايى شاقىرتۋىمەن سپورتقا بەت بۇرعان.

Фото: Астана спорт басқармасы
Фото: Астана спорт басқармасы

«ەرعالي شامەي قازىرگى تاڭدا ءوزىنىڭ جاۋىنگەرلىك بولمىسى، ەڭبەكقورلىعى جانە سپورتقا ەپتىلىگىنىڭ ارقاسىندا پارا دزيۋدودان ق ر ەڭبەك سىڭىرگەن سپورت شەبەرى، پارا دزيۋدودان الەم جانە پارا ازيا ويىندارىنىڭ چەمپيونى اتانىپ ۇلگەردى»، - دەلىنگەن حابارلامادا.

Фото: Астана спорт басқармасы
Фото: Астана спорт басқармасы

ايتا كەتەلىك، پارادزيۋدودان الەم چەمپيونى ەرعالي شامەيدىڭ ومىرىنە نەگىزدەلگەن فيلم بيىل فرانسيادا وتەتىن پاراليمپيادا ويىندارىنىڭ الدىندا ەل سپورتشىلارىنا قولداۋ كورسەتىپ، جەتىستىكتەرىنە لايىقتى نازار اۋدارۋعا دا سەپتىگىن تيگىزەدى.

فيلمدە باستى كەيىپكەردى سومداۋ ەلىمىزگە تانىمال اكتەر نازار شەرحانعا بۇيىرىپتى.

Фото: Астана спорт басқармасы
Фото: Астана спорт басқармасы

«نازاردى رولگە بەكىتۋگە بىردەن-ءبىر سەبەپ - ونىڭ وقيعانىڭ پروتوتيپىنە سىرتقى كەلبەتىنىڭ قاتتى ۇقساستىعى»، - دەيدى ءتۇسىرىلىم توبى.

فيلمدە، سونىمەن بىرگە، ەرعاليدىڭ پروتوتيپى دە ەپيزودتىق ءرولدى سومداعان.

ۇيىمداستىرۋشىلاردىڭ ايتۋىنشا الداعى ۋاقىتتا شىنايى وقيعاعا قۇرىلعان فيلمنىڭ تەلەارنادان كورسەتىلۋىنە كۇش سالىناتىن بولادى.

فيلمدى «ۇلتتىق كينونى قولداۋ مەملەكەتتىك ورتالىعىنىڭ» تاپسىرىسى بويىنشا DALA cinema كومپانياسى ءتۇسىردى.

اۆتوركۇنسۇلتان وتارباي

سوڭعى جاڭالىقتار