سولتۇستىك قازاقستاندا 25 مىڭ گەكتار جەر مەملەكەت مەنشىگىنە قايتارىلدى
پەتروپاۆل. KAZINFORM - سولتۇستىك قازاقستان وبلىسىنىڭ پروكۋراتۋراسى بوس جاتقان جەرلەردى انىقتاپ، ولاردى مەملەكەتكە قايتارۋ بويىنشا كەشەندى جۇمىس جۇرگىزىپ جاتىر.
س ق و پروكۋراتۋراسى باسپا ءسوز قىزمەتىنىڭ مالىمەتىنشە، قاداعالاۋشى ورگان جىل باسىنان بەرى مەملەكەتكە جالپى سوماسى 497 ميلليون تەڭگە بولاتىن جەر ۋچاسكەسىن قايتاردى. مىسالى، تايىنشا جانە ۋاليحانوۆ اۋداندارىندا كاسىپكەرلەر جەر كودەكسىنىڭ تالاپتارىن بۇزا وتىرىپ، ۇزاق ۋاقىت بويى اۋىل شارۋاشىلىعى ماقساتىنداعى جەر ۋچاسكەلەرىن نىسانالى ماقساتى بويىنشا پايدالانباعان. ناتيجەسىندە مەنشىك يەلەرىنەن جالپى اۋدانى 25,1 مىڭ گەكتار جەر قايتارىلدى.
«قاداعالاۋ شارالارى ارقىلى سوت تارتىبىمەن جەر مەملەكەتكە قايتارىلدى جانە بۇگىندە زاڭدى ەكونوميكالىق اينالىمعا تارتىلىپ جاتىر. بۇل باعىتتاعى جۇمىس جالعاسادى»، - دەدى ءوڭىر پروكۋرورلارى.
بۇعان دەيىن س ق و تۇرعىنى قازاق جاستارىنا ومارتاشىلىق كاسىپتى تەگىن ۇيرەتىپ جۇرگەنىن جازعان ەدىك.
