سولتۇستىك قازاقستان وبلىسىندا العاشقى قار جاۋدى
سولتۇستىك قازاقستان وبلىسىندا العاشقى قار جاۋدى. بيىل وتكەن جىلعا قاراعاندا اق ۇلپا شامامەن ءبىر ايعا كەش ءتۇستى، دەپ حابارلايدى Kazinform.
تۇرعىندار العاش جاۋعان قاردى فوتو، ۆيدەوعا ءتۇسىرىپ، الەۋمەتتىك جەلىدە ءبولىسىپ جاتىر.
ايتۋلارىنشا، قازىرگى ۋاقىتتا ايىرتاۋ اۋدانىنداعى ساۋمالكولدە قار جاتىر.
فوتوسۋرەتتىڭ استىنا قىزىلجار جانە تايىنشا اۋداندارىنىڭ تۇرعىندارى جازبا قالدىرىپ، ولارعا دا قار جاۋعانىن جازۋدا.
Посмотреть эту публикацию в Instagram
كەشە «112» قىزمەتى داۋىلدى ەسكەرتۋ جاريالاپ، تۇرعىنداردى قار ارالاس جاڭبىر جاۋاتىنىن جانە جەلدىڭ ەكپىنى سەكۋندىنا 23-28 مەترگە دەيىن جەتەتىنىن ەسكەرتكەن ەدى.
Посмотреть эту публикацию в Instagram
قولايسىز كۇن رايى 23-قازان دا ساقتالماق. مامانداردىڭ ايتۋىنشا، قار ارالاس جاڭبىر جاۋىپ، كوكتايعاق بولۋى مۇمكىن. سولتۇستىك- باتىستان سوققان جەل وڭتۇستىك- باتىسقا اۋىسىپ، ەكپىنى 15-20 م/س جەتەدى، كەي جەرلەردە 28 م/س دەيىن كۇشەيۋى ىقتيمال.
قازىرگى ۋاقىتتا پەتروپاۆلدا اۋا تەمپەراتۋراسى 1- گرادۋستى كورسەتىپ تۇر. تۇندە 3- گرادۋسقا دەيىن تومەندەمەك.
وسىعان وراي پوليتسەيلەر جولدا اباي بولىپ، اۆتوكولىك دوڭعالاقتارىن دەر كەزىندە قىسقى رەجيمگە اۋىستىرۋدى ەسكەرتىپ جاتىر.
ەستەرىڭىزگە سالايىق، بىلتىر العاشقى قار شامامەن ءبىر اي بۇرىن، 27-قىركۇيەكتە تۇسكەن ەدى.
ايتا كەتەيىك، QazAvtoJol بۇگىن كەشكە كۇن رايىنىڭ بۇزىلۋىنا بايلانىستى رەسپۋبليكالىق ماڭىزى بار جولداردا قوزعالىسقا شەكتەۋ ەنگىزگەن بولاتىن.
اتاپ ايتقاندا، اقمولا وبلىسىندا تۇنگى ساعات 20.30 دان باستاپ «كوكشەتاۋ - اتباسار» تراسساسىندا كولىكتىڭ بارلىق تۇرىنە قوزعالىسقا تىيىم سالىندى.
سونداي-اق ساعات 22.00 دەن «استانا - كوكشەتاۋ» اۆتوجولىندا («استانا - شۋچينسك - كوكشەتاۋ») شەكتەۋ ەنگىزۋ جوسپارلانىپ وتىر.
