سولتۇستىك كورەيا وڭتۇستىك كورەياعا اپاراتىن جولداردى جارىپ جىبەردى
استانا. KAZINFORM - سولتۇستىك كورەيا وڭتۇستىك كورەياعا اپاراتىن باتىس پەن شىعىستاعى ەكى تاس جولدىڭ ۋچاسكەلەرىن جارىپ جىبەردى، دەپ حابارلايدى Yonhap اقپارات اگەنتتىگى.
«سولتۇستىك كورەيا تۇسكە تامان اسكەري دەماركاتسيا سىزىعىنىڭ سولتۇستىگىندەگى كەنگي جانە تونحە جولدارىنىڭ بولىكتەرىن جارىپ جىبەردى»، - دەپ كەلتىردى اگەنتتىك كورەيا رەسپۋبليكاسى بىرىككەن شتاب باستىقتارىنىڭ مالىمدەمەسىن.
اسكەريلەر جاعدايدى قاداعالاپ، باقىلاۋدى كۇشەيتكەنىن قوسىپ ءوتتى.
وڭتۇستىك كورەيا بيلىگى ك ح د ر جولداردى جارۋعا دايىندالىپ جاتقانىن ءبىر كۇن بۇرىن حابارلادى.
پحەنيان بۇعان دەيىن وڭتۇستىككە اپاراتىن بارلىق اۆتوموبيل جولدارى مەن تەمىر جولداردى جاۋىپ تاستاۋعا نيەتتى ەكەنىن مالىمدەگەن.
سونداي-اق، سولتۇستىك كورەيا بيلىگى ەكى كورەيانى ءبولىپ تۇرعان بەلگىلەنگەن ايماق ماڭىندا تانككە قارسى توسقاۋىلدار سالۋ جانە شەكارانى نىعايتۋ ءۇشىن ءوز جاعىنداعى جول شامدارىن بۇزىپ، ولاردىڭ بويىنا مينالار قويعانى، سونداي-اق اسكەرلەردى ورنالاستىرعانى حابارلاندى.
