سولتۇستىك كورەيا مەملەكەتتىك تۋىن وزگەرتتى
استانا. KAZINFORM – ك ح د ر 1948-جىلى قۇرىلعاننان بەرى العاش رەت مەملەكەتتىك تۋىنىڭ ءپىشىنىن وزگەرتتى، دەپ حابارلايدى Yonhap.
سولتۇستىك كورەيا كونستيتۋتسياعا وزگەرىس ەنگىزۋ ارقىلى مەملەكەتتىك تۋىنىڭ ولشەمىن وزگەرتتى. جاڭا نورماعا سايكەس، تۋدىڭ بيىكتىگى مەن ەنىنىڭ اراقاتىناسى بۇرىنعى 1:2 دەن 1:1,65 كە اۋىستى.
تۋدىڭ ولشەمى وزگەرگەنىمەن، جالپى ديزاينى سول كۇيىندە قالدى. ونىڭ ورتاسىندا جالپاق قىزىل جولاق، جوعارعى جانە تومەنگى بولىگىندە جىڭىشكە اق جولاقتار، ەكى شەتىندە كوك جولاقتار ورنالاسقان. سونداي-اق اق شەڭبەردىڭ ىشىندە قىزىل بەس بۇرىشتى جۇلدىز بەينەلەنگەن.
بۇل وزگەرىس سولتۇستىك كورەيا باسشىسى كيم چەن ىننىڭ وزىندىك باسقارۋ ستيلىن قالىپتاستىرىپ، ۇلتتىق بىرەگەيلىكتى نىعايتۋعا ۇمتىلىسىمەن تۇسپا-تۇس كەلدى.
ەسكە سالا كەتەيىك، مامىر ايىندا سولتۇستىك كورەيا بيلىگى كونستيتۋتسياعا وزگەرىستەر ەنگىزىپ، وندا وڭتۇستىك كورەيانىڭ جەكە مەملەكەت رەتىندەگى مارتەبەسىن رەسمي تۇردە بەكىتتى. سونداي-اق كيم چەن ىننىڭ مارتەبەسىن كوتەردى.
سونىمەن قاتار بۇعان دەيىن تۇركى مەملەكەتتەرى ۇيىمى (ت م ۇ) ءوز تۋىن عارىشقا جىبەرەتىنى حابارلانعان بولاتىن.
