سولتۇستىك كورەيا بىرنەشە بالليستيكالىق زىمىران ۇشىردى
استانا. KAZINFORM - سولتۇستىك كورەيا بەيسەنبى كۇنى جاپون تەڭىزىنە قاراي قىسقا قاشىقتىقتاعى بىرنەشە بالليستيكالىق زىمىران ۇشىردى، دەپ حابارلايدى Yonhap.
بۇل سولتۇستىك كورەيانىڭ ناۋرىز ايىنان بەرى بالليستيكالىق زىمىراندى العاش رەت ۇشىرۋى بولدى.
شتاب باستىقتارى بىرىككەن كوميتەتىنىڭ (JCS) مالىمدەۋىنشە، سولتۇستىك كورەيانىڭ شىعىسىنداعى ۆونسان قالاسىنان قىسقا قاشىقتىققا ۇشاتىن بىرنەشە بالليستيكالىق زىمىراننىڭ ۇشىرىلعانى جەرگىلىكتى ۋاقىت بويىنشا تاڭعى ساعات 8:10 مەن 9:20 ارالىعىندا تىركەلگەن.
كوميتەت مالىمەتىنشە، زىمىرانداردىڭ ءبىرى جاپون تەڭىزىنە قۇلاعانعا دەيىن 800 شاقىرىمداي ۇشىپ وتكەن. قازىرگى ۋاقىتتا قوسىمشا تالداۋ جۇرگىزىلىپ جاتىر جانە ءتيىستى اقپارات ا ق ش پەن جاپونياعا جەدەل تۇردە جىبەرىلدى.
- وڭتۇستىك كورەيا مەن ا ق ش- تىڭ بىرلەسكەن قورعانىس ۇستانىمى اياسىندا ءبىزدىڭ اسكەريلەر سولتۇستىك كورەيانىڭ ءارتۇرلى ارەكەتتەرىن مۇقيات قاداعالاپ، سولتۇستىك كورەيانىڭ قاتە شەشىمدەر قابىلداۋىنا جول بەرمەۋ ءۇشىن كەز كەلگەن ارانداتۋشىلىققا جاۋاپ بەرۋگە ازىرلىگى مەن اسقان قابىلەتىن ساقتاپ وتىر، - دەلىنگەن مالىمدەمەدە.
ەسكە سالا كەتسەك، 10- ناۋرىزدا وڭتۇستىك كورەيا مەن ا ق ش بىرلەسكەن وقۋ-جاتتىعۋلارىنىڭ باستالۋى اياسىندا سولتۇستىك كورەيا سارى تەڭىزگە قاراي بالليستيكالىق زىمىران ۇشىردى.
