سولتۇستىك كورەيا 200 سنارياد ۇشىرىپ، وڭتۇستىك كورەياعا شابۋىل جاسادى

ق ح د ر وڭتۇستىك كورەياعا 200 سنارياد ۇشىردى. وڭتۇستىك كورەيا بيلىگى ەۆاكۋاتسيا جاريالادى. Kazinform بۇل تۋرالى BBC-گە سىلتەمە جاساپ حابارلايدى.

سولتۇستىك كورەيا وڭتۇستىك كورەيامەن شەكاراعا جاقىن ماڭعا 200 دەن استام ارتيللەريالىق سنارياد ۇشىردى، وڭتۇستىك كورەيالىق ەكى ارال تۇرعىندارىنا ەۆاكۋاتسيالالانۋ تۋرالى بۇيرىق بەرىلدى، دەپ حابارلادى سەۋل.

وڭتۇستىك كورەيا مۇنداي ارەكەت بەيبىتشىلىككە قاۋىپ توندىرەتىنىن ەسكەرتىپ، جاۋاپ قايتارۋىمىز مۇمكىن دەپ قورقىتتى.

«بۇگىن 9.00 دەن 11.00 گە دەيىن سولتۇستىك كورەيا اسكەرى پەننەندو ارالىنىڭ سولتۇستىك بولىگىندەگى چانسان-گوت اۋدانى مەن يەنپحەندو ارالىنىڭ سولتۇستىك بولىگىندەگى اۋداندارعا 200 دەن استام وق جاۋدىردى»، - دەپ ءمالىم ەتتى بريفينگتە وڭتۇستىك كورەيا قورعانىس مينيسترلىگىنىڭ وكىلى.

ب ا ق حابارلاۋىنشا، سناريادتار ەكى ەل اراسىنداعى شەكارا سانالاتىن سولتۇستىك شەكتەسۋ سىزىعى اۋدانىنداعى سارى تەڭىزگە تۇسكەن.

«بۇل - كورەيا تۇبەگىندەگى بەيبىتشىلىككە قاۋىپ توندىرەتىن ارانداتۋ امالى. سولتۇستىك كورەيا شيەلەنىسكە تولىقتاي جاۋاپتى، ءبىز بۇل ارەكەتتەردى دەرەۋ توقتاتۋعا شاقىرامىز»، - دەپ تولىقتىردى كورەيا قورعانىس مينيسترلىگى.

2010 -جىلعى قاراشادا پحەنيان يەنپحەندو ارالىنا 170 ارتيللەريالىق سنارياد ۇشىرىپ، ءتورت ادام، ونىڭ ىشىندە ەكى بەيبىت تۇرعىن قازا تاپقان بولاتىن.

بۇل - كورەي سوعىسىنان بەرگى ۋاقىتتا ق ح د ر-دىڭ بەيبىت اۋداندارعا جاساعان العاشقى شابۋىلى بولدى.

 

اۆتور

جانات قاپالبايەۆا