سولتۇستىك امەريكا تۇرعىندارى كۇننىڭ تولىق تۇتىلۋىن كوردى

استانا. KAZINFORM - سولتۇستىك امەريكا تۇرعىندارى كۇننىڭ تولىق تۇتىلۋىن باقىلادى. بۇل قۇبىلىس شامامەن 18 ايدا ءبىر رەت كەزدەسەدى، ول جەردىڭ ءار جەرىندە بايقالادى.

تۇتىلۋدىڭ جالپى فازاسى ۇزاققا سوزىلماسا دا - بار بولعانى 4 مينۋت 28 سەكۋند، ونى 31 ميلليوننان استام ادام باقىلاي الدى.

اي كۇندى جاۋىپ باستاعان ساتتەن باستاپ تولىق تۇتىلۋ فازاسىنا دەيىن شامامەن 80 مينۋت ءوتتى، سودان كەيىن بۇل پروتسەستىڭ اياقتالۋىنا تاعى 80 مينۋت قاجەت بولدى.

تۇتىلۋدى ءبىرىنشى بولىپ مەكسيكا تۇرعىندارى، كەيىن ا ق ش پەن كانادا تۇرعىندارى باقىلادى.

مەحيكودا ەرەكشە قۇبىلىستى بايقاعىسى كەلەتىندەر قالاداعى كۇننىڭ تۇتىلۋىن باقىلاۋ ءۇشىن جابدىقتالعان ورىنداردىڭ ءبىرى - حواكين گالو اتىنداعى پلانەتاريگە كەلدى.

ال ا ق ش تۇرعىندارى ەلدىڭ كولەڭكەدە بولاتىن ايماقتارىنا جينالا باستادى. جەرگىلىكتى بيلىك ۇيالى بايلانىس جەلىلەرىنىڭ شامادان تىس جۇكتەلۋى مۇمكىن ەكەنىن ەسكەرتتى. كەيبىر قالالاردا توتەنشە جاعداي جاريالانىپ، ءتارتىپ ساقتاۋ ءۇشىن ۇلتتىق ۇلان ساربازدارى تارتىلدى.

كۇن تولىق تۇتىلعان قالالار قاتارىندا مازاتلان، مەكسيكا؛ سان- انتونيو، وستين جانە داللاس، تەحاس؛ يندياناپوليس، ينديانا؛ كليۆلەند، وگايو؛ ەري، پەنسيلۆانيا؛ نياگارا سارقىراماسى، نيۋ- يورك، ونتاريو جانە مونرەال، كۆەبەك بار.

جارتىلاي تۇتىلۋ سولتۇستىك امەريكادا «تولىق جولدان» تىس كورىنەدى.

ەسكە سالا كەتسەك، ورتالىق ازيا مەن ەۋروپادا كۇن تۇتىلۋ بايقالمايدى.