رەسەي بانكتەرىنىڭ SWIFT- تەن اجىراتىلۋىنىڭ قازاقستانعا قانداي اسەرى بولماق - ساراپشى پىكىرى
« SWIFT - تەن اجىراتىلۋدىڭ وڭ دا، تەرىس دە جاعى بار. كومپانيالارعا ساۋدا جاساپ، ەكسپورت پەن يمپورتتى جۇزەگە اسىرۋ قاجەت. سوندىقتان قولما- قول قاراجاتتى پايدالانۋعا تۋرا كەلەدى. ءبىراق، ونىڭ كەمىندە قانداي كولەمدە بولاتىندىعىن ايتۋ قيىن. ماسەلەن، ا كومپانياسى (شارتتى تۇردە رەسەيلىك) كيپردە ورنالاسقان كومپانياعا تاۋار ساتادى. ولار ءبىر- بىرىمەن تولەمدە قالاي جۇزەگە اسىرادى؟ ويتكەنى، بانكتەر ءبىر- بىرىمەن بايلانىستا بولۋى كەرەك. بانكتەر SWIFT ارقىلى اقپارات پەن قاراجات الماسادى»، - دەدى ساراپشى.
ونىڭ اتاپ وتۋىنشە، ءسوز مەملەكەتتىك قارىز، ورتالىق بانكتىڭ وپەراتسيالارى، ونىڭ ىشىندە ەكسپورتتىق- يمپورتتىق وپەراتسيالار جايىندا بولىپ وتىر.
«مەنىڭ بىلۋىمشە، رەسەيلىكتەر گازعا ارقا سۇيەي الادى. ايتپەسە، بۇكىل ەۋروپا قاتىپ قالادى. ويتكەنى، ەۋروپاداعا گازدىڭ 40 پايىزى - رەسەيلىك ءونىم. كاتار، ا ق ش جانە اۆستراليا ازىرشە ەۋروپاعا قاجەتتى گازدى تولىق كولەمدە قامتاماسىز ەتە المايدى. وسىعان بايلانىستى ءدال وسى گاز كەلىسىمشارتار تولەمگە قاتىستى بولمايتىن سياقتى. الايدا، گازپروممەن ساناۋلى عانا بانك جۇمىس ىستەيدى. ءوزارا تولەم قانداي دا ءبىر «گاۆان» ارقىلى جۇزەگە اسىرىلاتىن سياقتى. ياعني، قايتا تىركەپ، باسقا ءبىر ەلدە ەسەپشوت اشۋ قاجەت. وففشورلىق ايماقتار بار. ءبىراق، ول جاقتا دا پروبلەما تۋىنداۋى ىقتيمال»، - دەدى جانىبەك ايعازين.
ونىڭ اتاپ وتۋىنشە، كومپانيالاردىڭ قايتادان تىركەۋدىڭ ورنى قازاقستان بولا الادى. ويتكەنى، گەوگرافيالىق تۇرعىدا وڭتايلى ورنالاسقان.
«سوعان بايلانستى قازاقستاندا كومپانيانى قايتا تىركەۋ جەڭىل. دەگەنمەن، بىزگە بۇل رەتتە ۇلتتىق قاۋىپسىزدىك ماسەلەسى تۇرعىسىنان دا ەسكەرۋ قاجەت. سول ءۇشىن اتالعان كومپانيالارعا تىركەۋ بولىگىندە قانداي دا ليميتتىك شەك جاساۋ كەرەك. ماسەلەن، وتباسىنىڭ ءبىر مۇشەسى 100 مىڭ دوللار دەگەن سياقتى. بىزگە دە ينۆەستيتسيا كەرەك. ءبىراق، رۋبلمەن ەمەس دوللارمەن. رۋبل مەن تەڭگەگە قاتىستى احۋال جايىندا ايتار بولساق، بۇل - پروبلەما. ويتكەنى سىرتقى ساۋدانىڭ باسىم بولىگى رەسەيگە تيەسىلى. قازىرگى ۋاقىتتا رەسەيدىڭ ورتالىق بانكىندە كۋرس باعامىن قولداۋ بويىنشا ەركىن كونۆەرتاتسيالاناتىن ۆاليۋتا ءۇشىن رەسۋرسى شەكتەۋلى. 640 ميلليارد دوللار ۆاليۋتالىق رەزەرۆىنىڭ ءبىر بولىگىنە، شامامەن 200-300 ميلليارد دوللارىنا عانا قول جەتكىزە الادى. بۇل قاراجات بىتكەن سوڭ نە بولماق؟ ورتالىق بانككە ازىرشە التىنمەن وپەراتسيا جاساۋعا تىيىم سالىنباعان. ءبىراق، «التىن ستاندارتى» كەزىندەگىدەي التىننىڭ ترويسك ۋنكسياسى قۇنىنا رۋبلدى بەكىتە المايدى»، - دەدى ساراپشى.
اۆتور: مارلان جيەمباي