«سوعىسقا جىبەرىلۋى مۇمكىن»: مينيسترلىك رەسەيدەگى ازاماتتار تۋرالى مالىمدەمە جاسادى
سىرتقى ىستەر مينيسترلىگى رەسەيگە جۇمىس ىزدەپ بارىپ، سوعىسقا اتتانۋ قاۋپى تۋىنداعان قازاقستان ازاماتتارىنان كەلىپ تۇسكەن وتىنىشتەردى تەكسەرىپ جاتقانىن حابارلادى.
دەرەكتەر راستالعاننان كەيىن وتانداستاردىڭ ءتىزىمى رەسەي تاراپىنا جىبەرىلەدى، دەپ حابارلايدى Egemen.kz.
س ءى م بۇعان دەيىن الەۋمەتتىك جەلىدە بەينەۇندەۋ جاريالاعان جاستارعا قاتىستى قاجەتتى شارالار قابىلدانىپ جاتقانىن مالىمدەدى.
«تەكسەرۋ اياقتالعاننان كەيىن جاساقتالعان ءتىزىم رەسەي تاراپىنا جىبەرىلەدى. ولاردى ەلگە قايتارۋ بويىنشا كەلىسسوزدەر جۇرگىزىلىپ جاتىر»، دەلىنگەن مينيسترلىك حابارلاماسىندا.
رەسەي اۋماعىندا جۇرگەن جانە كومەككە مۇقتاج قازاقستان ازاماتتارى مەن ولاردىڭ تۋىستارى س ءى م- ءنىڭ كونسۋلدىق قىزمەت دەپارتامەنتىنە جانە قازاقستاننىڭ رەسەيدەگى ديپلوماتيالىق وكىلدىكتەرىنە جۇگىنە الادى.
ايتا كەتەيىك، بۇعان دەيىن رەسەيگە جۇمىس ىستەۋگە بارعان بىرنەشە جاستار الەۋمەتتىك جەلى ارقىلى كومەك سۇراعان بولاتىن. ولار كۇزەت سالاسىندا جۇمىس ۇسىنىلعانىمەن، كەيىن قۇجاتتارعا قول قويعاننان سوڭ سوعىس ايماعىنا جىبەرىلۋ قاۋپى تۋعاندىعىن مالىمدەدى. 2-قازاندا مينيسترلىك وسى ماسەلەگە بايلانىستى رەسەي تاراپىنا ديپلوماتيالىق نوتا جولداعانىن حابارلادى.
