سوڭعى اپتادا قىزىلشانىڭ 94 جاعدايى تىركەلدى
استانا. KAZINFORM - قازاقستاندا قىزىلشا بويىنشا ەپيدەميولوگيالىق جاعداي تۇراقتانىپ كەلەدى. بۇل تۋرالى ق ر د س م سانيتارلىق- ەپيدەميولوگيالىق باقىلاۋ كوميتەتى ءتوراعاسىنىڭ ورىنباسارى زاۋرە احمەتوۆا ايتىپ بەردى.
بيىل ماۋسىمدا 2023 -جىلعى جەلتوقسانمەن سالىستىرعاندا سىرقاتتانۋشىلىق %91 عا، مامىر ايىمەن سالىستىرعاندا %42,5 عا تومەندەگەن.
«سوڭعى اپتادا قىزىلشانىڭ 94 جاعدايى تىركەلدى، الدىڭعى اپتامەن سالىستىرعاندا سىرقاتتانۋشىلىقتىڭ 72 جاعدايعا تومەندەگەنى بايقالادى»، - دەدى ز. احمەتوۆا ورتالىق كوممۋنيكاتسيالار قىزمەتىندە.
سونىمەن قاتار، شىلدە ايىنىڭ باسىنان باستاپ كوكجوتەلمەن سىرقاتتانۋشىلىقتىڭ تومەندەگەنى بايقالادى. سوڭعى اپتادا كوكجوتەلدىڭ 60 جاعدايى تىركەلدى، الدىڭعى اپتامەن سالىستىرعاندا سىرقاتتانۋشىلىق 50 جاعدايعا تومەندەگەن.
«قىزىلشامەن جانە كوكجوتەلمەن سىرقاتتانۋشىلىق ۆاكتسيناتسيالانباعان بالالاردىڭ ەسەبىنەن تىركەلۋگە، بۇل ناۋقاس بالالار سانىنىڭ 80-نەن %90 نا دەيىن قۇرايدى. بالالاردىڭ %61 ى ەكپەدەن باس تارتۋعا، %22 ى مەديتسينالىق كورسەتكىشتەر بويىنشا كەيىنگى قالدىرۋعا، %17 ى ەگۋ مارتەبەسىنە جەتپەۋىنە بايلانىستى ەگىلمەگەن»، - دەدى د س م وكىلى.
اۆتور
ەربول جانات
