سوعىم ناۋقانى باستالادى: استانادا ەكى كۇن بويى ەت پەن ازىق-تۇلىك جارمەڭكەسى وتەدى

استانا. قازاقپارات - 21- 22-قاراشادا استانانىڭ ءۇش ساۋدا الاڭىندا «سوعىم- FEST» اۋىل شارۋاشىلىعى جارمەڭكەسى ۇيىمداستىرىلادى. ەلوردا تۇرعىندارى اقمولا، سولتۇستىك قازاقستان، قوستاناي جانە باسقا وڭىرلەردىڭ فەرمەرلەرىنەن ەت پەن وزگە دە وتاندىق ونىمدەردى دەلدالسىز، تىكەلەي ساتىپ الا الادى. بۇل تۋرالى ا ش م ءمالىم ەتتى.

Астанада «Соғым-FEST» басталды: етті делдалсыз сатып алуға болады
Фото: Сауда министрлігі

ءىس-شارا اۋىل شارۋاشىلىعى قىزمەتكەرلەرى كۇنىنە ورايلاستىرىلىپ، اۋىل شارۋاشىلىعى قىزمەتكەرلەرىنىڭ III فورۋمىنىڭ اياسىندا ۇيىمداستىرىلادى. جارمەڭكەگە اقمولا، سولتۇستىك قازاقستان، قوستاناي جانە ەلىمىزدىڭ باسقا دا وبلىستارىنداعى فەرمەرلىك شارۋاشىلىقتار قاتىسىپ، ءوز ونىمدەرىن ۇسىنادى. كەلۋشىلەرگە وتاندىق اۋىل شارۋاشىلىعى جانە ازىق-تۇلىك ونىمدەرىنىڭ كەڭ اسسورتيمەنتى ۇسىنىلادى.

«سوعىم- FEST» جارمەڭكەسىنىڭ باستى ەرەكشەلىگى - ونىمدەردى وندىرۋشىلەردىڭ تىكەلەي ساتۋ فورماتى. بۇل قوسىمشا دەلدالداردى بولدىرماۋعا، فەرمەرلەردىڭ ءونىم وتكىزۋ مۇمكىندىكتەرىن كەڭەيتۋگە جانە ەلوردا تۇرعىندارىنىڭ ساپالى وتاندىق ونىمدەرگە تىكەلەي قول جەتكىزۋىنە مۇمكىندىك بەرەدى.

جارمەڭكە وڭىرلىك ونىمدەردى ىلگەرىلەتۋگە، وتاندىق مال وسىرۋشىلەردى قولداۋعا، سونداي- اق اۋىل شارۋاشىلىعى ونىمدەرىن وندىرۋشىلەر مەن تۇتىنۋشىلار اراسىنداعى تىكەلەي بايلانىستى نىعايتۋعا ارنالعان قوسىمشا الاڭعا اينالادى.

ساۋدا 21 جانە 22-قاراشا كۇندەرى ساعات 10:00-دەن 19:00-گە دەيىن استانانىڭ ءۇش الاڭىندا قاتار وتكىزىلەدى:

«Keruen Joly» ساۋدا ورتالىعى - الاش تاسجولى، 35ب.

اۆتوبۋس باعىتتارى: № 7، 11، 39، 41، 45، 53، 59، 76، 81، 82، 120، 120ا، 307، 317.

«ەت الەمى» ساۋدا ورتالىعى - الاش تاسجولى، 31/1.

اۆتوبۋس باعىتتارى: № 7، 11، 39، 41، 45، 53، 59، 76، 81، 82، 120، 120ا، 307، 317.

«Jurt» ساۋدا ورتالىعى - بەيبارىس سۇلتان كوشەسى، 3.

اۆتوبۋس باعىتتارى: № 2، 7، 13، 32، 42، 49، 50، 67، 73.

- ەلوردا تۇرعىندارى مەن قوناقتارىن «سوعىم- FEST» جارمەڭكەسىنە كەلىپ، وتاندىق وندىرۋشىلەردى قولداۋعا جانە قازاقستاندىق فەرمەرلەردىڭ ونىمدەرىن دەلدالسىز، تىكەلەي ساتىپ الۋعا شاقىرامىز، - دەلىنگەن ۆەدومستۆونىڭ حابارلاماسىندا.