ەستونيا پرەمەر-ءمينيسترى ەۋرووداق ديپلوماتياسىن باسقارۋ ءۇشىن وتستاۆكاعا كەتتى

استانا. KAZINFORM - ەستونيا پرەمەر-ءمينيسترى كايا كاللاس ەۋرووداق ديپلوماتياسىن باسقارۋ ءۇشىن وتستاۆكاعا كەتتى، دەپ حابارلايدى BBC.

پرەزيدەنت الار كاريس دۇيسەنبى كۇنى تاڭەرتەڭ كاللاسپەن كەزدەستى. ول وعان جۇمىستان كەتۋ تۋرالى ءوتىنىشىن بەردى.

«مەنىڭ ويىمشا، بۇل ۇيدەن كەتكەندە ءبارى مۇڭايادى. بۇل وتە قيىن جۇمىس، ءبىراق سونىمەن بىرگە وتە قىزىقتى، سوندىقتان مەن ونى ساعىنامىن، ءبىراق قازىر جاڭا مىندەتتەر بار»، - دەدى پرەمەر-مينيستر Delfi باسىلىمىنا سوڭعى باسپا ءسوز ءماسليحاتىنان كەيىن.

ماۋسىم ايىنىڭ سوڭىندا ەۋرووداق كوشباسشىلارى الداعى بەس جىلعا بلوك باسشىلىعىنا ۇمىتكەرلەردى بەكىتتى. كايا كاللاس جوزەپ بوررەلدىڭ ورنىنا ە و- نىڭ سىرتقى ىستەر جونىندەگى جوعارى وكىلى بولادى، ال ۋرسۋلا فون دەر ليايەن ەۋروكوميسسيانىڭ ءتورايىمى بولىپ قالادى. پورتۋگاليانىڭ بۇرىنعى پرەمەر-ءمينيسترى انتونيۋ كوشتا شارل ميشەلدى ەۋروپالىق كەڭەستىڭ باسشىسى رەتىندە اۋىستىرادى.