ستراندجا كۋبوگى: تۇرسىنباي قۇلاحمەت پەن توقتاربەك تاڭاتقان جۇدىرىقتاسادى

استانا. KAZINFORM - بۇگىن كىشى الەم چەمپيوناتى سانالاتىن بولگاريا استاناسى سوفيادا ءوتىپ جاتقان ستراندجا كۋبوگىنىڭ جارتىلاي فينالدىق كەزەڭىندە قوس قازاق ءبىر-بىرىمەن جۇدىرىقتاسادى.

اتاپ ايتساق، 80 كەلىگە دەيىنگى سالماقتا جارتىلاي فينالدا قازاقستان قۇراماسىنىڭ وكىلى تۇرسىنباي قۇلاحمەت قىتاي اتىنان سىنعا ءتۇسىپ جۇرگەن قانداسىمىز توقتاربەك تاڭاتقانمەن جولى ءتۇيىستى.

ءبىزدىڭ وتانداسىمىز قۇلاحمەت - ازيا چەمپيوناتىنىڭ (2019)، يسلام ىنتىماقتاستىعى ويىندارىنىڭ (2017) جانە جاستار اراسىنداعى ازيا چەمپيوناتىنىڭ (2013) جەڭىمپازى.

ال قىتايدا تۋىپ، سول ەلدىڭ اتىنان شارشى الاڭ كورىگىن قىزدىرىپ جۇرگەن قانداسىمىز تاڭاتقان جازعى ازيا ويىندارىنىڭ (2022) چەمپيونى، سونىمەن قاتار الەم چەمپيوناتىنىڭ (2023) كۇمىس جۇلدەگەرى.

سونداي-اق، بۇگىن جارتىلاي فينالدا 51 كەلىدە سانجار تاشكەنباي وزبەكستاندىق اسىلبەك جاليلوۆپەن قولعاپ ءتۇيىستىرسا، 67 كەلى سالماقتا وتانداسىمىز دۋلات بەكباۋوۆ الجيرلىك بوكسشى ابدەناسەر بەنلاريبيمەن جەكپە-جەككە شىعادى.

ەستەرىڭىزگە سالا كەتەيىك، وسىعان دەيىن اتالعان تۋرنيردىڭ جارتىلاي فينالىنا ءۇش قازاقستاندىق بوكسشى شىققانىن جازعان بولاتىنبىز.

اۆتور
كۇنسۇلتان وتارباي