ستراندجا كۋبوگى-2024: قاي ەل قانشا مەدال جەڭىپ الدى

Фото: Минтуризма и спорта РК
Фото: Минтуризма и спорта РК

استانا. KAZINFORM - كىشى الەم چەمپيوناتى اتالىپ كەتكەن بولگاريا استاناسى سوفيا قالاسىندا وتكەن ستراندجا كۋبوگىندا قازاقستان قۇراماسى 1 التىن، 1 كۇمىس، 1 قولا مەدالمەن جالپى كوماندالىق ەسەپتە الدىڭعى بەستىككە كىردى.

قازاقستان قۇراماسىنان التىندى 67 كەلىدە ونەر كورسەتكەن دۋلات بەكباۋوۆ، كۇمىستى 51 كەلىدە سانجار تاشكەنباي، قولا جۇلدەنى 80 كەلىگە دەيىنگى سالماقتا تۇرسىنباي قۇلاحمەت قانجىعاسىنا بايلادى.

ال جالپى كوماندالىق ەسەپتە وزبەكستان بوكسشىلارى كوش باستادى. ولاردىڭ ەنشىسىندە 5 التىن، 2 كۇمىس، 5 قولا مەدال بولسا، ەكىنشى ورىندى 2 التىن، 2 كۇمىس، 2 قولا مەدالمەن ءۇندى بوكسشىلارى جەڭىپ الدى. ۇزدىك ءۇشىنشى ورىنعا بولگاريا بوكسشىلارى يە بولدى. ولاردىڭ ەنشىسىندە 1 التىن، 4 كۇمىس جۇلدە بار.

جالپى كوماندالىق ەسەپ:

1. وزبەكستان - 5-2-5

2. ءۇندىستان - 2-2-2

3. بولگاريا - 1-4-0

4. ۋكراينا - 1-1-3

5. قازاقستان - 1-1-1

6. گرۋزيا - 1-0-3

7. قىرعىزستان - 1-0-0

7. قىتاي - 1-0-0

9. الجير - 0-1-4

10. تاجىكستان - 0-1-0

10. گرەكيا - 0-1-0

12. يران - 0-0-2

13. تۇركيا - 0-0-1

13. فرانسيا - 0-0-1

13. موڭعوليا - 0-0-1

13. ارمەنيا - 0-0-1

13. ليتۆا - 0-0-1

13. يرلانديا - 0-0-1.

ايتا كەتەيىك، بيىلعى ستراندجا كۋبوگىنا قازاقستان ءبىرىنشى ءنومىرلى بوكسشىلارىن اپارعان جوق. سەبەبى، ۇلتتىق قۇرامانىڭ نەگىزگى قۇرامى بوكستان يتاليانىڭ بۋستو- ارسيتسيو قالاسىندا وتەتىن ليتسەنزيالىق تۋرنيرگە قاتىسادى.

اۆتوركۇنسۇلتان وتارباي

سوڭعى جاڭالىقتار