08:21, 27 - قاڭتار 2025 | GMT +5
ستۋدەنتتەردى بوپسالاعان: ورالدا بىرنەشە قىلمىسقا كۇدىكتى قىزدار ۇستالدى
استانا. KAZINFORM - ورال قالاسىنىڭ ەكى تۇرعىنى بىرنەشە قىلمىس جاسادى دەگەن كۇدىكپەن ۇستالدى. بۇل تۋرالى Polisia.kz جازدى.

- تەرگەۋ دەرەكتەرىنە سايكەس وتكەن جىلدىڭ قازان ايىندا كۇدىكتىلەر كوللەدج ستۋدەنتىن ءوز شوتىنان 40 مىڭ تەڭگەنى اۋدارۋعا ماجبۇرلەگەن. سونىمەن قاتار تەرگەۋ بارىسىندا ۇستالعانداردىڭ ءبىرىنىڭ باسقا دا قىلمىستارعا قاتىسى بار ەكەنى انىقتالدى. ول مەكتەپ وقۋشىسىنان اقشا بوپسالاپ، كوللەدج ستۋدەنتىنىڭ قاراجاتىن يەمدەنىپ، سونداي- اق باسقا ستۋدەنتتىڭ ۇيالى تەلەفونىن ۇرلاپ، ونى لومباردقا وتكىزگەن، - دەپ جازدى ق ر ءى ءى م.
اتالعان دەرەك بويىنشا قىلمىستىق ءىس قوزعالدى. كۇدىكتىلەر ۋاقىتشا ۇستاۋ يزولياتورىنا قامالدى.