ۇستازدار كۇنىنە سىيلىق العان مۇعالىمدەرگە قانداي جازا قولدانىلادى؟

بيىل قازاقستاندا العاش رەت مۇعالىمدەر كۇنى مەرەكەسى ناقتى 5- قازانعا بەكىتىلدى. وقۋشىلار مۇعالىمدەر كۇنىنە وراي ۇستازدارىنا سىيلىق جاساي الا ما؟

سىيلىقتىڭ ا ە ك كولەمى قانشا بولۋى كەرەك؟ زاڭدى بۇزعاندارعا قانداي جازا قولدانىلادى؟

2020-جىلى قازاندا مەملەكەت باسشىسى قاسىم-جومارت توقايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. زاڭ بويىنشا مەملەكەتتىك قىزمەتشىلەرگە جانە ولاردىڭ وتباسى مۇشەلەرىنە سىيلىق بەرۋشىنىڭ پايداسى ءۇشىن سىيلىق، ماتەريالدىق سىياقى جانە قىزمەت كورسەتۋگە تولىق تىيىم سالىندى.

«سىبايلاس جەمقورلىققا قارسى ءىس-قيمىل تۋرالى» زاڭنىڭ 12- بابى جانە «مەملەكەتتىك قىزمەت تۋرالى» زاڭنىڭ 50- بابىنا سۇيەنسەك، بەرۋ سەبەبىنە (مەرەكە كۇندەرى، تۋعان كۇن)، سونداي-اق سىيلىقتىڭ تۇرىنە، سانىنا، قۇنىنا جانە وزگە دە سيپاتتامالارىنا قاراماستان (مىسالى، ءتاتتى، كادەسىيلار) كەز كەلگەن سىيلىقتى بەرۋگە تىيىم سالىندى.

بۇعان دەيىن ق ر وقۋ-اعارتۋ مينيسترلىگىنىڭ بۇرىنعى ۆيتسە-ءمينيسترى شولپان كارينوۆا و ك ق بريفينگى كەزىندە ءتىلشىنىڭ سۇراعىنا جاۋاپ بەرىپ، سىيلىقتارعا رەسمي تۇردە تىيىم سالىنعانىن ەسكە سالعان ەدى.

«ءبىز ءبىلىم بەرۋ ۇيىمدارىنا مەكتەپ پەن مۇعالىمدەرگە سىيلىق بەرۋگە تىيىم سالىنعانىن رەسمي تۇردە ايتىپ، حاباردار ەتتىك. كەز كەلگەن سىيلىققا تىيىم سالىنادى»، - دەدى شولپان كارينوۆا.

سونىمەن قاتار، سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى وكىلدەرى مۇعالىمدەردى سىيلىق الۋدان باس تارتۋعا شاقىرىپ، ۇستازدار قاۋىمى سىيلىقتى العان جاعدايدا جازانىڭ قالاي بولاتىنىن ايتتى.

«مەكتەپ ديرەكتورى ءۇشىن زاڭسىز ماتەريالدىق سىياقى مەن پارا الۋ ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان»، - دەلىنگەن حابارلامادا.

ق ر اكىمشىلىك قۇقىقبۇزۋشىلىق تۋرالى كودەكستىڭ 677 بابىنا سايكەس اكىمشىلىك سىبايلاس جەمقورلىق قۇقىق بۇزۋشىلىق ءۇشىن جاۋاپكەرشىلىك شاراسى — 600 ا ە ك ايىپپۇل، قىلمىستىق ءۇشىن ق ر قىلمىستىق كودەكستىڭ 366 بابى - پارانىڭ 20 ەسەلەنگەن سوماسى مولشەرىندە ايىپپۇل سالىنىپ، مۇلكى تاركىلەنەدى جانە 15 جىلعا دەيىنگى مەرزىمگە باس بوستاندىعىنان ايىرىلادى.

سونداي-اق، ق ر ازاماتتىق كودەكسىنە سايكەس مۇعالىمدەرگە قۇنى 10 ا ە ك- تەن اساتىن سىيلىقتار بەرۋگە تىيىم سالىنعان. زاڭبۇزۋشىلىق تىركەلگەن جاعدايدا، ق ر قىلمىستىق كودەكستىڭ 247- بابى بويىنشا 2 مىڭ ا ە ك- كە دەيىن ايىپپۇل تۇرىندەگى قىلمىستىق جاۋاپكەرشىلىك كوزدەلگەن.

Massaget.kz