Starbucks مىڭنان استام قىزمەتكەرىن قىسقارتپاق

استانا. قازاقپارات - Starbucks كومپانياسىنىڭ باس ديرەكتورى برايان نيكول دۇيسەنبى كۇنى كومپانيانىڭ 1100 قىزمەتكەرىن قىسقارتۋ تۋرالى مالىمدەدى، دەپ حابارلايدى CNBC.

بۇل وزگەرىستەر كومپانيانىڭ كافە جەلىسىندەگى قىزمەتكەرلەرگە اسەر ەتپەيدى. ونىڭ ايتۋىنشا، اتالعان شارانىڭ باستى ماقساتى - كومپانيا جۇمىسىن جەڭىلدەتىپ، سوڭعى ءتورت توقسان بويى ساتىلىمى تومەندەگەن بيزنەستى قايتا جانداندىرۋ.

2024 -جىلدىڭ قىركۇيەگىندەگى مالىمەتتەر بويىنشا، Starbucks-تا 361 مىڭ قىزمەتكەر جۇمىس ىستەيدى، ونىڭ 16 مىڭى اكىمشىلىك جانە قولداۋ كورسەتۋ بولىمدەرىندە قىزمەت ەتىپ جاتىر.

كومپانيا ەسەبىنە سايكەس، سوڭعى توقساندا الەمدەگى بارلىق Starbucks فيليالدارىنىڭ ساتىلىمى %4 عا تومەندەپ، بۇل جالپى پايداعا دا كەرى اسەرىن تيگىزدى.

ەسكە سالا كەتەيىك، بۇدان بۇرىن Amazon مەن Starbucks قىزمەتكەرلەرى ا ق ش- تىڭ ءارتۇرلى قالالارىندا كاسىپوداقتاردى مويىنداۋدى، جالاقىنى كوتەرۋدى، جەڭىلدىكتەردى جانە جۇمىس جاعدايىن جاقسارتۋدى تالاپ ەتىپ، ەرەۋىلگە شىققانىن جازعان بولاتىنبىز.

دانا نۇرباقىت