ستانيسلاۆ چەرچەسوۆ قازاقستان قۇراماسىنان كەتتى
استانا. KAZINFORM - فۋتبولدان قازاقستان ۇلتتىق قۇراماسىنىڭ باس باپكەرى ستانيسلاۆ چەرچەسوۆ قىزمەتىنەن كەتتى، دەپ حابارلايدى قازاقستان فۋتبول فەدەراتسياسى.

ەڭبەك شارتى ەكى جاقتىڭ ءوزارا كەلىسىمى بويىنشا توقتاتىلدى.
ستانيسلاۆ چەرچەسوۆ قازاقستان قۇراماسىنىڭ تىزگىنىن 2024-جىلدىڭ ماۋسىمىندا ۇستادى. ونىڭ جەتەكشىلىگىمەن ۇلتتىق قۇراما ۋەفا ۇلتتار ليگاسىندا 6 ماتچ وتكىزىپ، نورۆەگيا قۇراماسىمەن تەڭ ويناپ، 1 ۇپاي جينادى.
سونداي-اق قازاقستان قۇراماسىنان جاتتىقتىرۋشىلار شتابى تولىق قۇراممەن كەتتى.
- قازاقستان فۋتبول فەدەراتسياسى ستانيسلاۆ سالام ۇلى مەن ونىڭ شتابىنا اتقارعان جۇمىسى ءۇشىن العىس ايتىپ، مانسابىنا تابىس تىلەيدى! فۋتبولدان ۇلتتىق قۇرامانىڭ باس باپكەرى قىزمەتىنە ۇمىتكەرلەر ءتىزىمى قاراستىرىلىپ جاتىر، - دەلىنگەن حابارلامادا.
وسىعان دەيىن قازاقستاننىڭ فۋتبول فەدەراتسياسى چەرچەسوۆتىڭ وتستاۆكاعا كەتۋى جونىندە مالىمدەمە جاساعان بولاتىن.